ନୂଆଦିଲ୍ଳୀ: ଆନ୍ତର୍ଜାତୀୟ କ୍ରିକେଟ କାଉନସିଲ୍(ଆଇସିସି) ପକ୍ଷରୁ ଏହାର ନୂତନ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀଙ୍କୁ ନିଯୁକ୍ତ କରାଯାଇଛି । ଅଷ୍ଟ୍ରେଲିଆର ପୂର୍ବତନ ଘରୋଇ କ୍ରିକେଟ ଖେଳାଳି ଜିଓଫ୍ ଆଲାର୍ଡିସଙ୍କୁ ରବିବାର ଆଇସିସି ପକ୍ଷରୁ ସିଇଓ ନିଯୁକ୍ତ କରାଯାଇଛି । ଦୀର୍ଘ ୮ ମାସ ହେବ ଅନ୍ତରୀଣ ସିଇଓ ଭାବରେ ରହିଥିବା ଆଲାର୍ଡିସଙ୍କୁ ରବିବାର ସ୍ଥାୟୀ ସିଇଓ ଭାବରେ ନିଯୁକ୍ତ କରାଯାଇଛି । ଆଲାର୍ଡିସ ଅଷ୍ଟ୍ରେଲିଆ ପକ୍ଷରୁ ଘରୋଇ କ୍ରିକେଟ ଖେଳିଥିବା ବେଳେ କ୍ରିକେଟ ଅଷ୍ଟ୍ରେଲିଆର ସିଇଓ ଭାବରେ ମଧ୍ୟ କାର୍ଯ୍ୟ କରିଛନ୍ତି । ଏହା ସହିତ ସେ ୮ ବର୍ଷ ଧରି ଆଇସିସିର ଜେନେରାଲ ମ୍ୟାନେଜର ଭାବରେ କାର୍ଯ୍ୟ କରିଛନ୍ତି ।
ଆଇସିସିକ ଚେୟାରମ୍ୟାନ ଜର୍ଜ ବ୍ରେକଲେ ଆଲାର୍ଡିସଙ୍କୁ ଧନ୍ୟବାଦ ଜଣାଇଛନ୍ତି । ବିଗତ ୮ ମାସ ମଧ୍ୟରେ ଆଲାର୍ଡିସ ଅତ୍ୟନ୍ତ ଚମକ୍ରାର କାମ କରିଛନ୍ତି । ଭାରତରେ ବାତିଲ ହେବା ପରେ ଯେଉଁଭଳି ଭାବେ ଦୁବାଇରେ ଟି-୨୦ ବିଶ୍ୱକପ ସଫଳତାର ସହିତ ଆୟୋଜିତ ହେଲା ତାହା ପ୍ରଶଂସନୀୟ । ଏହା ସହିତ ତାଙ୍କୁ ସ୍ଥାୟୀ ସିଇଓ ଭାବରେ ନିଯୁକ୍ତ କରାଯାଇଥିବାରୁ ସେ ଆଇସିସି ବୋର୍ଡ ଓ ଚେୟାରମ୍ୟାନ ଜଜଁ ବ୍ରେକଲେଙ୍କୁ ଧନ୍ୟବାଦ ଜଣାଇଛନ୍ତି ଜର୍ଜ ବ୍ରେକଲେ ।
