ମୋଦୀ କରିବେ କାଶୀ ବିଶ୍ୱନାଥ ଧାମ ପ୍ରକଳ୍ପର ଉଦଘାଟନ, ଜାଣନ୍ତୁ ଏଥିରେ କଣ ହେବ ଖାସ୍

ନୂଆଦିଲ୍ଲୀ: ଅଯୋଧ୍ୟାରେ ନିର୍ମାଣ ଚାଲିଥିବା ବିଶ୍ୱ ପ୍ରସିଦ୍ଧ ରାମ ମନ୍ଦିର ଲୋକସଭା ନିର୍ବାଚନ ପୂର୍ବରୁ ୨୦୨୩ ବର୍ଷ ଶେଷ ସୁଦ୍ଧା ପ୍ରସ୍ତୁତ ହୋଇପାରେ। ତେବେ ଏହାପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବାରାଣାସୀରେ କାଶୀ ବିଶ୍ୱନାଥ ଧାମ ପ୍ରକଳ୍ପକୁ ଡିସେମ୍ବର ୧୩ ତାରିଖରେ ଉଦଘାଟନ କରିବେ । ଏହାକୁ ୟୁପି ନିର୍ବାଚନ ପୂର୍ବରୁ ସାରିବାକୁ କୁହାଯାଇଛି । ଡିସେମ୍ବର ୧୦ ସୁଦ୍ଧା ଏହି ପ୍ରକଳ୍ପ ଶେଷ କରିବାକୁ ସେମାନେ ଦିନରାତି କାର୍ୟ୍ୟ କରୁଛନ୍ତି। କାର୍ୟ୍ୟକୁ ତ୍ୱରାନ୍ୱିତ କରିବା ପାଇଁ ପ୍ରାୟ ୪୦୦ ଅତିରିକ୍ତ ଶ୍ରମିକଙ୍କୁ ଅଣାଯାଇଛି।

ବହୁରାଷ୍ଟ୍ରୀୟ କମ୍ପାନୀ ଏର୍ନଷ୍ଟ ଆଣ୍ଡ ୟଙ୍ଗକୁ ଅପରେସନାଲ୍ ପ୍ଲାନିଂ ପାଇଁ ଦିଆଯାଇଛି । ପ୍ରଧାନମନ୍ତ୍ରୀ ନିର୍ବାଚନମଣ୍ଡଳୀରେ ରହିଥିବାରୁ ଏହି ପ୍ରକଳ୍ପକୁ ୟୁପି ନିର୍ବାଚନ ପାଇଁ ବିଜେପିର ପ୍ରାଥମିକ ତାଲିକାରେ ରଖାଯାଇଛି । ଏହି ପରିପ୍ରେକ୍ଷୀରେ ଗୁରୁବାର ଦିନ ବାରଣାସୀରେ ଗୃହମନ୍ତ୍ରୀ ଅମିତ୍ ଶାହ କହିଛନ୍ତି ଯେ, ଅଯୋଧ୍ୟାରେ ରାମ ମନ୍ଦିର କେବେ ନିର୍ମାଣ ହେବାକୁ ନେଇ ବିରୋଧୀ ମାନେ ଟାର୍ଗେଟ କରିବାରେ ଲାଗିଛନ୍ତି । ହେଲେ ଏବେ ରାମ ମନ୍ଦିର ମଧ୍ୟ ନିର୍ମାଣ ହେବ ଓ କାଶୀ ବିଶ୍ୱନାଥ କରିଡର୍ ପ୍ରକଳ୍ପ ମଧ୍ୟ ପ୍ରସ୍ତୁତ ହେବ ।