ଭଦ୍ରକ ୧୭/୧୦: ଦୁର୍ଗାବାହିନୀ ଓ ମାତୃଶକ୍ତି ସ୍ଥାପନା ଦିବସ ଓ ଶସ୍ତ୍ର ପୂଜନ ଉତ୍ସବ ଆୟୋଜିତ ହୋଇଛି । ଭଦ୍ରକ ସହରର ବାଇପାସ ସ୍ଥିତ ଜଗନ୍ନାଥ ମନ୍ଦିର ପରିସର ରେ ଏହି ଉତ୍ସବ ଆୟୋଜିତ ହୋଇଛି । ଏହି କାର୍ଯ୍ୟକ୍ରମରେ ଦୁର୍ଗା ବାହିନୀର ରାଷ୍ଟ୍ରୀୟ ସଂଯୋଜିକା ସୁଶ୍ରୀ ପ୍ରଜ୍ଞା ମହଲା, ମାତୃଶକ୍ତି ସଂଯୋଜିକା ଝରଣା ଜେନା , ପ୍ରାନ୍ତ ସହ ସଂଯୋଜିକା ସିପ୍ରା ରାଉତ ଓ ମୁଖ୍ୟଅତିଥୀ ଭାବେ ଶକୁନ୍ତଳା ଦାସ ଯୋଗ ଦେଇଥିଲେ ।
ତେବେ 1991 ମସିହା ଅଶ୍ୱିନ୍ୟ ଶୁକ୍ଳ ଅଷ୍ଟମୀରେ ଦୁର୍ଗା ବାହିନୀ ଗଠିତ ହୋଇଥିଲା । ସେଥିପାଇଁ ସବୁଠି ପ୍ରତିଷ୍ଠା ଦିବସ ପାଳନ ହେଉଛି । ତେବେ ଶସ୍ତ୍ର ପୂଜନର ଆବଶ୍ୟକତା ସହ ଉପାଦେୟତା ନେଇ ଆଲୋଚନା ହେବା ସହ ଭାରତକୁ ବିଶ୍ୱ ଗୁରୁ ଗଢିବା ପାଇଁ ମୁଖ୍ୟ ଅତିଥି ଆବାହନ କରିଛନ୍ତି । ତେବେ ଏହି ଦୁର୍ଗାବାହିନୀ ଓ ମାତୃଶକ୍ତି ସ୍ଥାପନା ଦିବସ ଓ ଶସ୍ତ୍ର ପୂଜନ ଉତ୍ସବରେ ଜିଲ୍ଲାର ବିଭନ୍ନ ପ୍ରାନ୍ତରୁ ବହୁ ମହିଳା , ଯୁବକ ଯୁବତୀ ମାନେ ଯୋଗ ଦେଇଥିଲେ ।
