ଭଦ୍ରକ ୧୦/୧୦: ତାଲା ଭାଙ୍ଗି ମନ୍ଦିରରୁ ଚୋରି , ଲୁଟିନେଲେ ଠାକୁରଙ୍କର ଅଳଙ୍କାର । ସୂଚନାଯୋଗ୍ୟ ଯେ ଭଦ୍ରକ ଗ୍ରାମାଞ୍ଚଳ ଥାନା ଅନ୍ତର୍ଗତ ଦୈସିଂ ପଞ୍ଚାୟତ ସାଳନ୍ଦୀ ନଦୀର କୂଳରେ ଥିବା ରାମ ମନ୍ଦିରରୁ ବିଳମ୍ବିତ ରାତିରେ ମନ୍ଦିର ଚାବି ଭାଙ୍ଗି ଚୋରି ହୋଇଛି ।
ରାମ , ଲକ୍ଷ୍ମଣ ଓ ସୀତାଙ୍କର ତିନୋଟି ମୂଲ୍ୟବାନ ରୁପା ମୁକୁଟ ଚୋରି କରିବା ସହ ମନ୍ଦିର ଭିତରେ ଥିବା ଭେଟି ଟଙ୍କା ନେଇଯାଇଛନ୍ତି । ସ୍ଥାନୀୟ ଲୋକେ ସଖାଳୁ ମନ୍ଦିର ତାଲା ଭଙ୍ଗାଯାଇଥିବା ଦେଖିଥିଲେ, ମନ୍ଦିର ପୁଜାରୀ ଗ୍ରାମାଞ୍ଚଳ ଥାନାରେ ଚୋରି ନେଇ ଲିଖିତ ଏତଲା ଦେଇଛନ୍ତି । ଭଦ୍ରକ ଗ୍ରାମାଞ୍ଚଳ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
