ନୂଆଦିଲ୍ଲୀ ୨୧/୦୯: ଅଲମ୍ପିକ ବିଜେତା ତଥା ଗୋଲଡେନ ବୟଙ୍କ ସଫଳତାର ରାଜ୍ କଣ ଜାଣନ୍ତି । ଚା ଓ ରୁଟି । ଯାହାକି ଏବେ ସୋସିଆଲ ମିଡିଆରେ ବେଶ୍ ଭାଇରାଲ୍ ହେଉଛି । ଟ୍ୱିଟରରେ ନୀରଜ ଚୋପ୍ରା ଏବେ ବେଶ୍ ଚର୍ଚ୍ଚାରେ । କଥା କଣ କି ନୀରଜ କହିଛନ୍ତି କେମିତି ପାଇବେ ଟେନସନରୁ ମୁକ୍ତି । ପୋଷ୍ଟରେ ତାଙ୍କୁ ଏକ ନିଆରା ଅନ୍ଦାଜରେ ଦେଖିବାକୁ ମିଳିଛି ।
ଅର୍ଥାତ୍ ଚା ଗ୍ଲାସ ଓ ରୁଟି ଧରି ସେ କହିଛନ୍ତି ଟେନସନ ମୁକ୍ତିର ବାର୍ତ୍ତା । ନୀରଜଙ୍କ ଗୋଟିଏ ହାତରେ ଚା ଗ୍ଲାସ ଓ ଅନ୍ୟ ହାତରେ ପଟେ ରୁଟି । ନିଜ ଟ୍ୱିଟର ଆକାଉଣ୍ଟରେ ସେ ଏମିତି କିଛି ଲେଖି ପୋଷ୍ଟ ସେୟାର କରିଛନ୍ତି ନୀରଜ । ତଳେ କ୍ୟାପସନରେ ଲେଖିଛନ୍ତି ଖାଓ ରୋଟି, ପିଓ ଚାଏ । ଟେନସନକୁ କର ବାଏ ବାଏ ।
ନୀରଜ ଏହି ଫଟୋକୁ ସେୟାର କରିବାର କିଛି ସମୟ ମଧ୍ୟରେ ଏହା ଖୁବ ଜୋରରେ ଭାଇରାଲ୍ ହେଉଛି । କିଛି ଲୋକ ତାଙ୍କର ଏହି ଷ୍ଟାଇଲକୁ ଖୁବ୍ ତାରିଫ କରୁଛନ୍ତି । ସୂଚନା ଥାଉକି, ଟୋକିଓ ଅଲିମ୍ପିକରେ ଜାଭେଲିନରେ ଗୋଲ୍ଡ ଜିତି ଦେଶର ଟେକ ରଖିଛନ୍ତି ଗୋଡଡେନ୍ ବୟ ।
