ମୁମ୍ବାଇ ୨୬/୦୭ : ଅଶ୍ଳୀଳ ଫିଲ୍ମ ମାମଲାରେ ଫସି ରହିଥିବା ବ୍ୟବସାୟୀ ରାଜ କୁନ୍ଦ୍ରାଙ୍କ ବିଷୟରେ ପ୍ରତିଦିନ ନୂଆ ଖୁଲାସା କରାଯାଉଛି। ମୁମ୍ବାଇ ପୋଲିସର କ୍ରାଇମ ବ୍ରାଞ୍ଚ ଏ ପର୍ଯ୍ୟନ୍ତ ଅନେକ ଲିଙ୍କ ପାଇଛି। ଅଶ୍ଳୀଳ ଫିଲ୍ମ ରାକେଟରେ ଅଭିଯୁକ୍ତ ତନଭୀର ହାଶମୀଙ୍କୁ ତିନି ଘଣ୍ଟା ଧରି କ୍ରାଇମ୍ ବ୍ରାଞ୍ଚ ପଚରାଉଚରା କରିଥିଲା। ତନଭୀର ଏବେ ଜାମିନରେ ଅଛନ୍ତି। ବର୍ତ୍ତମାନ ସେ ଏ ବିଷୟରେ ଅନେକ ଖୁଲାସା କରିଛନ୍ତି।
ତନଭୀର ହାଶମୀ କହିଛନ୍ତି, ମୁଁ କାହିଁକି ଏହି ଘଟଣାରେ ସାକ୍ଷୀ ହେବି? ମୁଁ ଭାବୁନାହିଁ ଯେ ଫଲ୍ମ ନିର୍ମାଣ ଏକ ଅପରାଧ ତେଣୁ ସାକ୍ଷୀ ହେବାର କୌଣସି ପ୍ରଶ୍ନ ନାହିଁ । ସେ ଆହୁରି ମଧ୍ୟ କହିଛନ୍ତି ଯେ ‘ମୁଁ ଯାହା ତିଆରି କରିଛି ତାହା ଅଶ୍ଳୀଳ ନୁହେଁ ଏବଂ ଏହା କେବଳ ରାଜ କୁନ୍ଦ୍ରାଙ୍କ ପାଇଁ ତିଆରି ହୋଇଛି, ତାଙ୍କ କମ୍ପାନୀ ପାଇଁ ନୁହେଁ। ମୁଁ ତାଙ୍କ କମ୍ପାନୀ ପାଇଁ ସିଧାସଳଖ କାମ କରେ ନାହିଁ । ମୁଁ ନଗ୍ନ ଦୃଶ୍ୟ ସହିତ କ୍ଷୁଦ୍ର ଫିଲ୍ମ ନିର୍ମାଣ କରେ । ଆପଣ ଏହାକୁ ପର୍ଣ୍ଣ ବୋଲି କହିପାରିବେ ନାହିଁ । ଏହା ସଫ୍ଟ ପର୍ଣ୍ଣ। ‘
ପଞ୍ଜୀକୃତ ମାମଲାରେ ହାଶମୀ କହିଛନ୍ତି ଯେ ‘ଆପଣ ପୋଲିସକୁ ଏ ବିଷୟରେ ପଚାରିବା ଉଚିତ୍। ଅନେକ ଲୋକ ଅଛନ୍ତି ଯେଉଁମାନେ ଏହିପରି OTT କଣ୍ଟେଟ୍ ତିଆରି କରୁଛନ୍ତି । ମୋତେ ଜେଲ ହୋଇଥିଲା ଏବଂ ବର୍ତ୍ତମାନ ମୁଁ ଜାମିନରେ ଅଛି। ମୁଁ କୋର୍ଟରେ ଲଢିବି କିନ୍ତୁ ଯେବେ ସଫ୍ଟ ପର୍ଣ୍ଣ ତିଆରି କରିବାର କୌଣସି ନିୟମ ନାହିଁ ଆପଣ ଏହାକୁ ଭୁଲ ବୋଲି କହିପାରିବେ ନାହିଁ? ମୁଁ ରାଜଙ୍କୁ କେବେବି ଭେଟି ନାହିଁ, କେବଳ ତାଙ୍କ ପାଇଁ କଣ୍ଟେଟ୍ ତିଆରି କରିଛି ।
