କଟକ ୨୦।୦୭: ତୃଣମୂଳ ସ୍ତରରୁ କ୍ରିକେଟ ପ୍ରତିଭା ଚୟନ କରିବା ଲକ୍ଷ୍ୟରେ ଓଡ଼ିଶା କ୍ରିକେଟ ଆସୋସିଏସନ୍ ଆରମ୍ଭ କରିଛି ଭିଜନ ୨୦୨୪। ସେହି କ୍ରମରେ ୧୫ଟି ଜିଲ୍ଲାରେ କ୍ରିକେଟ ଭିତ୍ତିଭୂମି ବିକାଶ ପାଇଁ ଆଜି ଶିଳାନ୍ୟାସ କରୁଛନ୍ତି କ୍ରୀଡା ମନ୍ତ୍ରୀ ତୁଷାରକାନ୍ତି ବେହେରା । ଏହି ୧୫ଟି ଜିଲ୍ଲାରେ ଟର୍ବ ପିଚ୍ ସହ କୋଚ , ଟ୍ରେନର ଏବଂ ଫିଜିଓ ଆଦି ସ୍ଥାୟୀ ଭାବେ ନିଯୁକ୍ତି ପାଇବେ । କ୍ରିକେଟ ଗ୍ରାଉଣ୍ଡର ବିକାଶ ସହ ଅନ୍ୟାନ୍ୟ ସମସ୍ତ ଦାୟିତ୍ବ ବହନ କରିବ ଓସିଏ ।
ଖବର ଅନୁଯାୟୀ, କ୍ରିକେଟ ଏବଂ କ୍ରିକେଟର ବିକାଶର କଥା ଆସିଲେ କଟକ ,ଭୁବନେଶ୍ୱର ଏବଂ ରାଜ୍ୟର କେତୋଟି ହାତ ଗଣତି ଜିଲ୍ଲାର କଥା ସାମ୍ନାକୁ ଆସେ । କିନ୍ତୁ କ୍ରିକେଟକୁ ଗ୍ରାମୀଣ ଇଲାକାରେ ପହଞ୍ଚାଇବା ସହ ତୃଣମୂଳ ସ୍ତରରୁ କ୍ରିକେଟ ପ୍ରତିଭା ଚୟନ କରିବା ଲାଗି ଆଜିଠାରୁ ଓଡ଼ିଶା କ୍ରିକେଟ ଆସୋସିଏସନ୍ ଏକ ବିଶେଷ ପଦକ୍ଷେପ ନେଇଛି । ଆଜି ରାଜ୍ୟର 15 ଟି ଜିଲ୍ଲାରେ କ୍ରିକେଟ ଭିତ୍ତିଭୂମି ବିକାଶ ଲାଗି ଆଜି ଶିଳାନ୍ୟାସ କରିଛନ୍ତି କ୍ରୀଡା ମନ୍ତ୍ରୀ ତୁଷାରକାନ୍ତି ବେହେରା ।
୨୦୧୯ ମସିହାରେ ଓସିଏର ନବକଳେବର ହୋଇଥିଲା । ନୂତନ କର୍ମକର୍ତ୍ତା ଦାୟିତ୍ବ ନେବା ସହ ଓଡ଼ିଶା କ୍ରିକେଟକୁ ଏକ ନୂଆ ଦିଶା ଦେବା ଲାଗି ଆଶା ସଂଚାର ହୋଇଥିଲା। ଜାତୀୟ ତଥା ଆନ୍ତର୍ଜାତୀୟ ସ୍ତରର କ୍ରିକେଟର ସୃଷ୍ଟି କରିବା ଲାଗି ଓ ସି ଏ ପଦକ୍ଷେପ ନେବା ଆରମ୍ଭ କରିଥିଲା । ସେହି କ୍ରମରେ ଜିଲ୍ଲା ସ୍ତରରେ କ୍ରିକେଟ ଭିତ୍ତିଭୂମି ବିକାଶ କାର୍ଯ୍ୟ ଆରମ୍ଭ ହୋଇଛି । ଏସମସ୍ତ ଜିଲ୍ଲାରେ କ୍ରିକେଟ ଏକାଡେମୀ ସୃଷ୍ଟି କରାଯିବ । ଯେଉଁଠି ସିନ୍ତାଫିକ ମେଥଡରେ କ୍ରିକେଟର ସୃଷ୍ଟି କରାଯିବ। ଅବଶିଷ୍ଟ 30 ଜିଲ୍ଲାରେ ଖୁବଶୀଘ୍ର କ୍ରିକେଟ ଏକାଡେମୀ ତିଆରି କରାଯିବ ବୋଲି ଉଭୟ କ୍ରୀଡା ବିଭାଗ ଏବଂ ଓସିଏ ତରଫରୁ କୁହାଯାଇଛି।
