ଇଟାଲୀ ୧୯/୭ : ଇଟାଲୀରେ ଦେଖାଦେଲାଣି ତୃତୀୟ ଲହର ଆଶଙ୍କା । କାରଣ ୟୁରୋ କପ୍ ବିଜୟ ଉତ୍ସବ ଏବେ କରୋନାର ତୃତୀୟ ଲହରକୁ ବାଟ କଢାଇଛି । ଜୁଲାଇ ୧୨ରେ ଇଂଲଣ୍ଡକୁ ପରାସ୍ତ କରି ଇଟାଲୀ ୟୁରୋ କପ୍ ଜିତିଥିଲା । ଆଉ ବିଜୟ ପରେ ଦେଶରେ ଆରମ୍ଉଭ ହୋଇଥିଲା ବିଜୟ ଉତ୍ସବ । ପ୍ରାୟ ଦେଢ ବର୍ଷ ଧରି କରୋନାର କଟକଣା ପରେ ଇଟାଲୀ ବାସୀ ଦୀର୍ଘ ସମୟ ପରେ ଏହି ଉତ୍ସବ ପାଳନରେ ମାତିଯାଇଥିଲେ ।
କିନ୍ତୁ ମନରୁ ପାଶୋରୀ ଯାଇଥିଲେ କରୋନା ଭୟ । ଲୋକମାନେ ବହୁ ସଂଖ୍ୟାରେ ରାସ୍ତାରେ ଏକତ୍ରୀତ ହେବା ସହ କରୋନା ଗାଇଡଲାଇନକୁ ବି ଭୁଲିଯାଇଥିଲେ। ନାଁ ଥିଲା ମୁହଁରେ ମାସ୍କ ନାଁ ଥିଲା ସାମାଜିକ ଦୂରତା । ଫଳରେ ଏଠାରେ ବଢିବାରେ ଲାଗିଛି ସଂକ୍ରମଣ ହାର । ରୋମ, ମିଲାନ, ଫ୍ଲୋରେନ୍ସର ରାସ୍ତା ଘାଟରେ ଏକାଠି ହୋଇ ପାର୍ଟିରେ ମାତିଥିଲେ ଲୋକେ ।
ଆଉ ଏବେ ଉତ୍ସାହରେ ସଚେତନ ନହେବାର ଫଳାଫଳ ସାମ୍ନାକୁ ଆସିଛି । ଉତ୍ସବ ପାଳନର ର ଏକ ସପ୍ତାହ ପରେ, ଇଟାଲୀରେ କରୋନା ମାମଲା କ୍ରମାଗତ ଭାବରେ ବୃଦ୍ଧି ପାଉଛି । ଜୁଲାଇ ୧ରେ ଇଟାଲୀରେ, କେବଳ ୮୭୯ଟି ନୂଆ କରୋନା ମାମଲା ରିପୋର୍ଟ ହୋଇଥିଲା ।
