ମୁମ୍ବାଇ ୦୯।୦୬: ଅଭିନେତ୍ରୀ କଙ୍ଗନା ରଣାଓ୍ଵତ କରୋନା କାଳରେ ଠିକ୍ରେ ନିଜର ଟ୍ୟାକ୍ସ ପୈଠ କରି ପାଆନ୍ତି। ଏହାର କାରଣ ମଧ୍ୟ ଦର୍ଶାଇଛନ୍ତି କଙ୍ଗନା ରଣାଓ୍ଵତ। ସେ କହିଛନ୍ତି, ମୁଁ ବଲିଉଡରେ ସବୁଠୁ ଅଧିକ ଟଙ୍କା ପାଉଥିବା ଅଭିନେତ୍ରୀ ହୋଇଥିଲେ ବି ବର୍ତ୍ତମାନ ସମୟରେ କର ପୈଠ କରି ପାରୁ ନାହିଁ। ଏହାର କାରଣ ତାଙ୍କ ପାଖରେ କୌଣସି କାମ ନଥିଲା।
ସେ ମଙ୍ଗଳବାର ରାତିରେ ନିଜର ଇନଷ୍ଟାଗ୍ରାମରେ ପୋଷ୍ଟ କରି କହିଛନ୍ତି, ତାଙ୍କୁ ଏବେ ସରକାରଙ୍କୁ ମୋଟ୍ ଟ୍ୟାକ୍ସର ଅଧା ଟଙ୍କା ଦେବାକୁ ବାକି ରହିଛି। ରଣାଓ୍ଵତ କହିଛନ୍ତି, ହୋଇପାରେ ମୁଁ ଉଚ୍ଚତମ ଟ୍ୟାକ୍ସ ସ୍ଲାବରେ ଆସୁଛି ଏବଂ ନିଜ ଆୟର ପ୍ରାୟ ୪୫ ପ୍ରତିଶତ ଟ୍ୟାକ୍ସ ଭାବେ ଦେଉଛି, ତଥାପି ହାତରେ କାମ ନଥିବା କାରଣରୁ ଗତ ବର୍ଷର ମୋଟ୍ ଟ୍ୟାକ୍ସର ଅଧା ଟଙ୍କା ପୈଠ କରି ପାରି ନାହିଁ।
ନିକଟରେ କରୋନା ସଂକ୍ରମଣରୁ ସୁସ୍ଥ ହୋଇଥିବା କଙ୍ଗନା ରଣାଓ୍ଵତ କହିଛନ୍ତି, ସରକାର ବକେୟା ରାଶି ଉପରେ ସୁଧ ନେଉଛନ୍ତି। ଏହି ପଦକ୍ଷେପ ନିଶ୍ଚୟ ସ୍ଵାଗତଯୋଗ୍ୟ ପଦକ୍ଷେପ। ସେ ଲେଖିଛନ୍ତି, ମୋତେ କର ପୈଠ କରିବାରେ ବିଳମ୍ବ ହୋଇଛି। ଏଥିପାଇଁ ସରକାର ଏହି ବକେୟା ରାଶି ଉପରେ ସୁଧ ନିଅନ୍ତୁ। ବ୍ୟକ୍ତିଗତ ଭାବେ ଆମ ପାଇଁ କଠିନ ସମୟ। ଆମ ସମସ୍ତେ ଏକାଠି ମିଶି ସମୟକୁ ମଜବୁତ କରି ପାରିବା ବୋଲି ସେ କହିଛନ୍ତି।
