ନୂଆଦିଲ୍ଲୀ ୦୯/୦୬: ବଲିଉଡ ଇଣ୍ଡଷ୍ଟ୍ରିରୁ ରଣବୀର କପୁରଙ୍କ ସହ ବ୍ରେକଅପ୍ ପରେ ବିକି କୌଶଲଙ୍କ ସହ କ୍ୟାଟ୍ରିନା କୈଫଙ୍କ ସମ୍ପର୍କର ଖବର ସାମ୍ନାକୁ ଆସୁଛି। ଯଦିଓ କ୍ୟାଟ୍ରିନା କୈଫ୍ ଏବଂ ବିକି କୌଶଲ ନିଜ ଲଭ୍ ଆଙ୍ଗେଲକୁ ସର୍ବସାଧାରଣଙ୍କ ଆଗରେ ସ୍ୱୀକାର କରିନାହାଁନ୍ତି, କିନ୍ତୁ ସୋସିଆଲ ମିଡିଆରେ ପୋଷ୍ଟ ହୋଇଥିବା ତାଙ୍କର ରୋମାଣ୍ଟିକ ଫଟୋ ପୁରା କାହାଣୀ କହିଛି । ଯାହା ପରେ କ୍ୟାଟ୍ରିନା, ବିକିଙ୍କୁ ଡେଟ୍ କରୁଛନ୍ତି ବୋଲି ଆଲୋଚନା ହେଉଛି ।
ବର୍ତ୍ତମାନ ଅନିଲ କପୁରଙ୍କ ପୁଅ ହର୍ଷବର୍ଦ୍ଧନ କପୁର ଏହି ଖବରକୁ ନିଶ୍ଚିତ କରିଛନ୍ତି । ହର୍ଷବର୍ଦ୍ଧନ କପୁର, ବିକି କୌଶଲ ଏବଂ କ୍ୟାଟ୍ରିନାଙ୍କ ସମ୍ପର୍କକୁ ନିଶ୍ଚିତ କରିଛନ୍ତି। ବାସ୍ତବରେ, ଏକ ୱେବସାଇଟ୍ ସହିତ ଚାଟ୍ ସମୟରେ ଅଭିନେତାଙ୍କୁ ପଚରାଯାଇଥିଲା ଯେ ସେ ଇଣ୍ଡଷ୍ଟ୍ରିରେ କାହାର ରିଲେସନସିପ୍ ଖବରକୁ ସତ କିମ୍ବା ପିଆର୍ ବୋଲି ଭାବୁଛନ୍ତି ? ହର୍ଷବର୍ଦ୍ଧନ ଉତ୍ତର ଦେଇଛନ୍ତି, ବିକି ଏବଂ କ୍ୟାଟ୍ରିନା ଏକାଠି ଅଛନ୍ତି ଏବଂ ଏହା ସତ୍ୟ। ତେବେ ଏହା ପରେ ଅଭିନେତା କହିଛନ୍ତି, ‘ମୁଁ ଏହା କହି ଅସୁବିଧାରେ ପଡ଼ିପାରେ ।’
ଏଥି ସହିତ, କ୍ୟାଟ୍ରିନା ବର୍ତ୍ତମାନ ବିକି କୌଶଲଙ୍କ ପ୍ରଫେସନାଲ୍ ଲାଇଫରେ ହସ୍ତକ୍ଷେପ କରୁଛନ୍ତି। ଏପରିକି ସେ ତାଙ୍କ ଆଗାମୀ ଫିଲ୍ମରେ କୌଣସି ଅଭିନେତ୍ରୀଙ୍କ ସହ ବିକିଙ୍କୁ ଇଣ୍ଟିମେଟ୍ ସିନ୍ ଦେବାକୁ ମନା କରି ଦେଇଛନ୍ତି। ସୂଚନା ଅନୁଯାୟୀ, ବିକି କୌଶଲ ଫିଲ୍ମ ‘ଦ ଇମୋର୍ଟାଲ୍ ଅଶ୍ୱତଥାମା’ରେ ସାରା ଅଲି ଖାନଙ୍କ ସହ ନଜର ଆସିବେ ଏବଂ ଉଭୟଙ୍କର ମଧ୍ୟ କିଛି ଇଣ୍ଟିମେଟ୍ ସିନ୍ ରହିଛି, କିନ୍ତୁ କୁହାଯାଉଛି ଯେ କ୍ୟାଟ୍ରିନା ଏହା ବିରୁଦ୍ଧରେ ଅଛନ୍ତି, ବିକି କ୍ୟାମେରା ଆଗରେ ସାରା ଅଲି ଖାନଙ୍କ ସହ ଅଧିକ ଇଣ୍ଟିମେଟ୍ ନହେବା ପାଇଁ ସେ ସ୍ପଷ୍ଟ ସୂଚନା ଦେଇଛନ୍ତି । ତେବେ ବିକି କୌଶଲଙ୍କ ବାପା ଏହି ସମ୍ପର୍କକୁ ନେଇ ଖୁସି ନୁହଁନ୍ତି। ସେ ନିଜ ପୁଅକୁ କ୍ୟାଟ୍ରିନାଙ୍କଠାରୁ ଦୂରରେ ରହିବାକୁ ପରାମର୍ଶ ଦେଇଛନ୍ତି।
