ନୂଆଦିଲ୍ଲୀ ୯/୫ : ଜୁନରେ ହେବାକୁ ଥିବା ନ୍ୟୁଜିଲ୍ୟାଣ୍ଡ ବିପକ୍ଷ ଟେଷ୍ଟ ଚାମ୍ପିଅନସିପ୍ ଏବଂ ଇଂଲଣ୍ଡ ବିପକ୍ଷରେ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ପାଇଁ ୨୦ ଜଣିଆ ଦଳ ଘୋଷଣା କରିଛି ବିସିସିଆଇ । ଫିଟନେସ୍ ସମସ୍ୟାରେ ପାସ କରିଥିବା ଅଲରାଉଣ୍ଡର ରବୀନ୍ଦ୍ର ଜାଡେଜା, ବ୍ୟାଟ୍ସମ୍ୟାନ୍ ହନୁମା ବିହାରୀ ଏବଂ ଦ୍ରୁତ ବୋଲର ମହମ୍ମଦ ଶାମିଙ୍କୁ ଦଳରେ ସ୍ଥାନ ପକ୍କ ହୋଇଛି ।
ତେବେ ଟିମରେ ସ୍ଥାନ ପାଇନଥିବା ଖେଳାଳିଙ୍କ ମଧ୍ୟରେ ଅଛନ୍ତି ଭୁବନେଶ୍ୱର କୁମାର, କୁଲଦୀପ ଯାଦବ ଏବଂ ହାର୍ଦ୍ଦିକ ପାଣ୍ଡ୍ୟା । ତେବେ ଦଳରେ ହାର୍ଦ୍ଦିକଙ୍କୁ ସ୍ଥାନ ନମିଳିବା କଥା ପୂର୍ବତନ ଓପନର୍ ତଥା ସମୀକ୍ଷକ ଆକାଶ ଚୋପ୍ରାଙ୍କୁ ପସନ୍ଦ ଆସିନି । ଆକାଶ ପୂର୍ବାନୁମାନ କରିଛନ୍ତି ଯେ ବର୍ତ୍ତମାନ ଏହା ହୋଇପାରେ ଯେ ହାର୍ଦ୍ଦିକ ଦୀର୍ଘ ଦିନ ଧରି ଟେଷ୍ଟ ଦଳରେ ନଜର ନ ଆସିପାରନ୍ତି । ଆକାଶ ତାଙ୍କ ୟୁଟ୍ୟୁବ ଚ୍ୟାନେଲରେ କହିଛନ୍ତି, ‘ନ୍ୟୁଜିଲାଣ୍ଡ ବିପକ୍ଷ ବିଶ୍ୱ ଟେଷ୍ଟ ଚାମ୍ପିୟନସିପ୍ର ଅନ୍ତିମ ମ୍ୟାଚ୍ ପାଇଁ ହାର୍ଦ୍ଦିକଙ୍କୁ ଚୟନ ନକରିବା ଠିକ । କିନ୍ତୁ ଇଂଲଣ୍ଡ ବିପକ୍ଷ ୫ଟି ମ୍ୟାଚ୍ ଟେଷ୍ଟ ସିରିଜ୍ ପାଇଁ ସେ ଦଳରେ ସ୍ଥାନ ଦେବା ଜରୁରୀ ଥିଲା ।
