ସମ୍ବଲପୁର: କରୋନା ଆକ୍ରାନ୍ତ ଥିବା ମାଓବାଦୀ ବିନୋଦ ବିହାରୀ ନାୟକର ମୃତ୍ୟୁ। ଗତ ୨୦୧୬ରୁ ମାଓବାଦୀ ବିନୋଦ ବିହାରୀ ଜେଲଦଣ୍ଡ ଭୋଗୁଥିଲା। ହେଲେ ଦୁଇ ବର୍ଷ ତଳେ ତା’ର ପକ୍ଷାଘାତ ହୋଇଥିବା ବେଳେ ସମ୍ବଲପୁର ସରକାରୀ ଜେଲରେ ତା’ର ଚିକିତ୍ସା ଚାଲିଥିଲା। ତାଙ୍କ ଭାଇ ମନୋରଞ୍ଜନ ନାୟକ ସ୍ବାସ୍ଥ୍ୟଗତ କାରଣ ଦର୍ଶାଇ ୨୦୨୦ରେ ଜାମିନ ପାଇଁ ଆବେଦନ କରିଥିଲେ ମଧ୍ୟ ବିନୋଦଙ୍କୁ ଜାମିନ ମିଳିନଥିଲା। ଗତ ୪ଦିନ ତଳେ ସେ କରୋନା ଆକ୍ରାନ୍ତ ହେବା ପରେ ତାଙ୍କୁ ବୁର୍ଲା କୋଭିଡ ହସ୍ପିଟାଲକୁ ଅଣାଯାଇଥିଲା।
ହେଲେ ଆଜି ଭୋର ସମୟରେ ଚିକିତ୍ସାଧୀନ ଅବସ୍ଥାରେ ତା’ର ମୃତ୍ୟୁ ଘଟିଛି। ମୃତ୍ୟୁବେଳକୁ ତାକୁ ୬୬ବୟସ ହୋଇଥିବା ବେଳେ ସେ ଜୁଜୁମୁରା ବ୍ଲକ ମାରଙ୍ଗ ବାହାଲ ଗାଁ ବାସିନ୍ଦା ଥିଲା ବୋଲି ଜଣାପଡ଼ିଛି।
