କରୋନା କାଳରେ ସମସ୍ତଙ୍କ ପାଇଁ ଦେବଦୂତ ବନିଯାଇଛନ୍ତି ଅଭିନେତା ସୋନୁ ସୁଦ୍ । ପାଖାପାଖି ଦୀର୍ଘ ଦିନ ଧରି ଦେଶ ନୁହେଁ ବିଭିନ୍ନ ରାଜ୍ୟର ଲୋକଙ୍କ ପାଇଁ ସ୍ୱଇଚ୍ଛାରେ କରିଚାଲିଛନ୍ତି ସହାୟତା । କେବଳ ସାଧାରଣ ଲୋକ ନୁହେଁ ଅନେକ ସ୍ଥାନରେ ଫସିରହିଥିବା ପ୍ରବାସୀଙ୍କୁ ସେ ସହଯୋଗ କରିଛନ୍ତି । ଅଧିକାଂଶ ଚଳଚିତ୍ରରେ ସେ ଖଳନାୟକରେ ଅଭିନୟ କରୁଥିବାବେଳେ ଏବେ ଦୁଃଖଦ ସମୟରେ ସେ ବନିଯାଇଛନ୍ତି ରିଅଲ ହିରୋ ।
ଆଜି ତାଙ୍କର ପ୍ରଶଂସାରେ ସତମୁଖ ପୂରା ଦେଶ ତଥା ବି-ଟାଉନ । ଏହି ପରିପ୍ରେକ୍ଷୀରେ ଜଣେ ଅଭିନେତା ତାଙ୍କ ସପକ୍ଷରେ ବାହାରି କହିଛନ୍ତି ଯେ, ଯଦି ସୋନୁ ନିର୍ବାଚନ ଲଢିବେ । ତେବେ ତାଙ୍କୁ ଭୋଟ ଦେଇ ମୁଁ ଜିତାଇବି । ସୋସିଆଲ ମିଡିଆରେ ସେ ପୋଷ୍ଟ କରି ନିଜ ମନ କଥା ସେୟାର କରିଛନ୍ତି । ସେ ଆଉ କେହି ନୁହଁନ୍ତେ ସେ ହେଉଛନ୍ତି ଷ୍ଟୁଡେଣ୍ଡ ଅଫ ଦି ଇୟର-୨ ଫେମ୍ ଆଦିତ୍ୟ ସିଲ୍ । ଅଭିନେତ୍ରୀ ମନୀଷା କୋଇରାଲାଙ୍କ ସହ ଏକ ଛୋଟିସି ଲଭ ଷ୍ଟୋରୀ ଜରିଆରେ ବଲିଉଡରେ ଡେବ୍ୟୁ କରିଥିଲେ । ତୁମ ବିନ୍-୨ , ନମସ୍ତେ ଲଣ୍ଡନ ଭଳି ଫିଲ୍ମରେ ସେ ଅଭିନୟ କରିଛନ୍ତି ।
