ମୁମ୍ୱାଇ୨୬/୪: IPlରେ RCB ଠାରୁ ଦମଦାର ବିଜୟ ହାସଲ କରିଛି ଚେନ୍ନାଇ ସୁପରକିଙ୍ଗସ୍ । ତେବେ ଏହି ମ୍ୟାଚ୍ ବିଜୟରେ ଅଲରାଉଣ୍ଡର ରବିନ୍ଦ୍ର ଡାଜେଜାଙ୍କର ରହିଛି ଗୁରୁତ୍ୱପୂର୍ଣ୍ଣ ଭୂମିକା । ବ୍ୟାଟିଂ ସହ ବୋଲିଂରେ ବି କମାଲ କରିଥିଲେ ଜଦ୍ଦୁ । ଫଳରେ ମ୍ୟାଚ୍ ପରେ ତାଙ୍କୁ ମ୍ୟାନ୍ ଅଫ ଦି ମ୍ୟାଚ୍ ଆଓ୍ୱାର୍ଡ ଦିଆଯାଇଥିଲା । ଇନିଂସର ଶେଷ ଓଭର ମ୍ୟାଚର ଟର୍ଣିଂ ପଏଣ୍ଟ । ହର୍ଷଲ ପଟେଲଙ୍କ ଟାର୍ଗେଟରେ ଥିଲେ ଜାଡେଜା ।
ମ୍ୟାଚ୍ ବିଜୟ ପରେ ଜାଡେଜା କହିଛନ୍ତି ମାହି ଭାଇଙ୍କ ଫର୍ମୂଲା କାମ ଦେଇଥିଲା । ମାହି କହିଥିଲେ ଯେ ଜଣାଅଛି ହର୍ଷଲ ହି ଶେଷ ଓଭର ବୋଲିଂ କରିବେ । ତାଙ୍କର ରଣନୀତି କଣ ରହିବ ସେନେଇ ମାହି ଜଦ୍ଦୁଙ୍କୁ ଆଗୁଆ ପ୍ରସ୍ତୁତି କରିଥିଲେ । ମାହି ଭାଇଙ୍କ କହିବା ମୁତାବକ ସେ ପିଚରେ ସେହଭଳି ଖେଳିଥିଲେ । କାରଣ ଶେଷ ଓଭର ଦଳ ପାଇଁ ବେଶ୍ ଗୁରୁତ୍ୱ ବହନ କରିଥିଲା ।
ଏହି ମ୍ୟାଚରେ ଜାଡେଜା ଧୂଆଁଧାର ୬୨ ରନର ଇଂନିସ ଖେଳିଥିଲେ । ଯାହା ଫଳରେ ଦଳର ସ୍କୋର ୨୦ ଓଭରରେ ୧୯୧ରେ ପହଞ୍ଚିଥିଲା । ଆରସିବି ପକ୍ଷରୁ ହର୍ଷଲ ପଟେଲ ୩ଟି ସଫଳତା ପାଇଥିବାବେଳେ ଚହଲ ଗୋଟିଏ ମାତ୍ର ସଫଳତା ପାଇଥିଲେ । ଆରସିବିର ଅନ୍ୟ କୌଣସି ବୋଲର ସଫଳତ ସାବ୍ୟସ୍ତ ହୋଇନଥଲେ ।
