ମୁମ୍ବାଇ ୨୧/୦୪: ମାଧୁରୀ ଦୀକ୍ଷିତ ତାଙ୍କର ଦମଦାର ଅଭିନୟ ଏବଂ ଡ୍ୟାନ୍ସ ପାଇଁ ଜଣାଶୁଣା । ଆଜିକାଲି ତାଙ୍କୁ ଡ୍ୟାନ୍ସ ରିଆଲିଟି ସୋ ‘ଡ୍ୟାନ୍ସ ଡିୱାନ ୩’ ରେ ଜଜ୍ ଭାବରେ ଦେଖିବାକୁ ମିଳୁଛି । ଏହା ବ୍ୟତୀତ ମାଧୁରୀ ସୋସିଆଲ ମିଡିଆରେ ତାଙ୍କର କିଛି ମଜାଳିଆ ଭିଡିଓ ମଧ୍ୟ ପୋଷ୍ଟ କରିଥାନ୍ତି । ବର୍ତ୍ତମାନ ସେ ଆଉ ଏକ ଭିଡିଓ ସେୟାର କରିଛନ୍ତି ।
ମାଧୁରୀ ଦୀକ୍ଷିତଙ୍କ ଏହି ଭିଡିଓ ଖୁବ୍ ଭାଇରାଲ ହେବାର ଲାଗିଛି । ଭିଡିଓରେ ସେ ‘ବାଜରେ ଦା ସିଟ୍ଟା’ ଚ୍ୟାଲେଞ୍ଜ ନେଉଥିବାର ଦେଖାଯାଇଛି । ଚ୍ୟାଲେଞ୍ଜ ଆରମ୍ଭ ସେତେବେଳେ ହୋଇଥିଲା ଯେତେବେଳେ ଅନଲାଇନ୍ ନିର୍ମାତାମାନେ ମେକଅପ୍ ପୂର୍ବରୁ ଏବଂ ମେକଅପ୍ ପରେ ଲୁକ୍ ସହିତ ଭିଡିଓ ତିଆରି କରିଥିଲେ । ମାଧୁରୀ ମଧ୍ୟ ଏହି ଚ୍ୟାଲେଞ୍ଜ୍ ଗ୍ରହଣ କରିଥିଲେ । ଭିଡିଓ ଆରମ୍ଭରେ, ମାଧୁରୀ ଗ୍ରୀନ୍ ରୁମରେ ବିନା ମେକଅପ୍ ରେ ବସିଛନ୍ତି । ପରବର୍ତ୍ତୀ କ୍ଲିପ୍ ରେ, ସେ ତାଙ୍କ ଟ୍ରାନ୍ସଫର୍ମେସନ୍ ଲୁକ୍ ରେ ନଜର ଆସିଛନ୍ତି, ଯେଉଁଥିରେ ସେ ଗୋଲାପୀ ରଙ୍ଗର ଲେହେଙ୍ଗାରେ ଦେଖାଯାଇଛନ୍ତି । ଏହା ସହ ସେ ଡାଏମଣ୍ଡ ନେକଲେସ୍ ଏବଂ କାନଫୁଲ ପିନ୍ଧିଛନ୍ତି ।
ମାଧୁରୀଙ୍କ ଏହି ଲୁକ୍ ‘ଡ୍ୟାନ୍ସ ଦିୱାନ ୩’ ସମୟର । ଏଥିରୁ ଜଣାଯାଉଛି ସୁଟିଂରୁ ସମୟ ମିଳିବା ମାତ୍ରେ ସେ ଏହି ଭିଡିଓ ତିଆରି କରିଛନ୍ତି । ନିକଟରେ, ମାଧୁରୀ ନୋରା ଫତେହିଙ୍କ ସହ ଏକ ଭିଡିଓ ପୋଷ୍ଟ କରିଥିଲେ ଯେଉଁଥିରେ ଉଭୟେ ‘ଏକ ଦୋ ତିନ୍’ ଏବଂ ‘ଦିଲବର’ ଗୀତରେ ନାଚୁଥିବାର ନଜର ଆସିଥିଲେ ।
