ନୂଆଦିଲ୍ଲୀ ୨୧/୪: ଦିଲ୍ଲୀଠୁ ହାରିବା ପରେ ରୋହିତଙ୍କୁ ଲାଗିଛି ଡବଲ ଝଟକା । ଧିମା ବୋଲିଂ ପାଇଁ ୧୨ ଲକ୍ଷର ଫାଇନ ଦେବେ ମୁମ୍ୱାଇ ଇଣ୍ଡିଆନ୍ସ ଅଧିନାୟକ । ଗତକାଲି ମୁମ୍ୱାଇ ଇଣ୍ଡିଆନ୍ସକୁ ୬ ଓ୍ୱିକେଟରେ ହରାଇଛି ଦିଲ୍ଲୀ କ୍ୟାପିଟାଲ୍ସ । ସୂଚନା ଥାଉକି, ଚଳିତ IPLରେ ୨ଥର ପରାଜୟର ସମ୍ମୁଖୀନ ହୋଇଛି ଟିମ୍ ମୁମ୍ୱାଇ । ତେବେ ଆଇପିଏଲ ଗାଇଡଲାଇନ ମୁତାବକ ନିର୍ଦ୍ଧାରିତ ସମୟରେ ବୋଲିଂ କରିପାରିନଥିଲେ । ଧିମା ବୋଲିଂ ପାଇଁ ସମୟ ଅଧିକ ଲାଗିଥିଲା ।
ପ୍ରଥମ ଥର ପାଇଁ ଏଭଳି ବଡ ଫାଇନର ଶିକାର ହୋଇଛନ୍ତି ରୋହିତ । ତେବେ ଆଗକୁ ଯଦି ପୁଣିଥରେ ଏଭଳି ଭୁଲ ହୁଏ ତାହେଲେ ଡବଲ ଫାଇନ ଅର୍ଥାତ ୨୪ ଲକ୍ଷର ଫାଇନ ଲାଗିବାର ଯଥେଷ୍ଟ ସମ୍ଭାବନା ରହିଛି । ଏତଦ୍ ବ୍ୟତୀତ ଟିମର ଖେଳାଳୀମାନଙ୍କର ମଧ୍ୟ ୨୫ ପ୍ରତିଶତ କଟାଯିବ । ଗତକାଲି ଖେଳାଯାଇଥିବା ମ୍ୟାଚରେ ପ୍ରଥମେ ବ୍ୟାଟିଂ କରି ୨୦ ଓଭରରେ ୯ ଓ୍ୱିକେଟ ହରାଇ ୧୩୭ ରନ କରଥିଲା ମୁମ୍ୱାଇ । ଦଳ ପକ୍ଷରୁ କ୍ୟାପଟେନ୍ ରୋହିତ ଶର୍ମା ପିଚରେ ବେଶି ସମୟ ତିଷ୍ଟି ପାରିନଥିଲେ । ୪୪ ରନ କରି ସେ ଅମିତ ମିଶ୍ରାଙ୍କ ବଲର ଶିକାର ପାଭିଲିୟନକୁ ଫେରିଥିଲେ ।
