ଚେନ୍ନାଇ, ୧୫/୪: ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ଅଧିନାୟକ ବିରାଟ କୋହଲି ନିଜର ଆକ୍ରମଣାତ୍ମକ ସ୍ୱଭାବକୁ ନେଇ ସଦାବେଳେ ଚର୍ଚ୍ଚାରେ ରହିଥାନ୍ତି । ଚଳିତ ଆଇପିଏଲରେ ମଧ୍ୟ କୋହଲିଙ୍କର ଏପରି ସ୍ୱଭାବ ଦେଖିବାକୁ ମିଳିଛି । ଫଳରେ ତାଙ୍କୁ ଆଚାର ସଂହିତା ଉଲଙ୍ଘନ ଆଧାରରେ ଦୋଷୀ ସାବ୍ୟସ୍ତ କରାଯାଇଛି ।
ବୁଧବାର ସନରାଇଜର୍ସ ହାଇଦ୍ରାବାଦ ବିପକ୍ଷ ମ୍ୟାଚରେ କୋହଲି ଆଉଟ ହେବା ପରେ ଖୁବ୍ ରାଗି ଯାଇଥିଲେ । ଏହାକୁ ନେଇ ମ୍ୟାଚ୍ ରେଫରୀ କୋହଲିଙ୍କୁ ଜରିମନା ଲଗାଇଛନ୍ତି । ଆରସିବି ଅଧିନାୟକ ଆଇପିଏଲ ଆଚାର ସଂହିତା ଲେବୁଲ୍-୧ର ଧାରା ୨.୨ଆଧାରରେ ଦୋଷୀ ସାବ୍ୟସ୍ତ ହୋଇଛନ୍ତି । ଏହି ନିୟମ ହେଉଛି କ୍ରିକେଟ୍ ଉପକରଣ ବ୍ୟତୀତ ଷ୍ଟାଡିୟମର ଅନ୍ୟ କୌଣସି ଜିନିଷକୁ କ୍ଷତି ପହଁଚାଇବା ।
ଏହି ମୁକାବିଲାରେ କୋହଲି ୨୯ ବଲରୁ ୩୩ ରନ୍ କରିଥିଲେ । ସେ ଫର୍ମରେ ଥିବା ଭଳି ଲାଗୁ ନଥିଲା । ଆଇପିଏଲ ନିଜ ବୟାନରେ କହିଛି ଯେ, କୋହଲି ନିୟମ ଭାଙ୍ଗିଛନ୍ତି । ତେଣୁ ତାଙ୍କୁ ଦୋଷୀ ସାବ୍ୟସ୍ତ କରାଯାଇଛି ।
ସୂଚନାଯୋଗ୍ୟ, କୋହଲିଙ୍କୁ ଜାସନ୍ ହୋଲଡର୍ ଆଉଟ୍ କରିଥିଲେ । କୋହଲିଙ୍କ କ୍ୟାଚ୍ ନେଇଥିଲେ ବିଜୟ ଶଙ୍କର । ସେ ବହୁତ ଧିମା ଖେଳିଥିଲେ । ୨୯ ବଲରୁ ମାତ୍ର ୩୩ ରନ୍ କରିଥିଲେ । ଆଉଟ୍ ହୋଇ ସେ ପଡିଆ ଛାଡିବା ବେଳେ ଖୁବ୍ ରାଗି ଯାଇ ଚେୟାରୁ ବ୍ୟାଟରେ ପକାଇ ଦେଇଥିଲେ । ଏହି ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଛି ।
