ଭୁବନେଶ୍ୱର ୧୪/୪: ରାଜ୍ୟରେ ଦେଖାଦେଇଥିବା ଟିକା ଅଭାବକୁ ନେଇ ପ୍ରତିକ୍ରିୟା ରଖିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେ ଏହାକୁ ଖଣ୍ଡନ କରିବା ସହ କହିଛନ୍ତି ଭାରତ ବର୍ଷରେ ୧୧-୧୨ କୋଟି ଟିକା ଭିତରୁ ୪୫ ଲଖ ଟିକା ଓଡିଶାକୁ ଆସିଛି । ତେବେ ଏଠି ଏସବୁ ବିବାଦ ଆରମ୍ଭ କରାଯାଉଛି ।
ରାଜ୍ୟରେ ଟିକାର ଅଭାବ ନାହିଁ । ମୋ ମତ ରାଜନୈତିକ ସ୍ତରରେ ମୁଖ୍ୟମନ୍ତ୍ରୀ ଏକଥା ଭାବୁ ନାହାଁନ୍ତି । ନିଜର ବାହାପିଆପଣ ଦେଖାଇବା ପାଇଁ ସ୍ୱାସ୍ଥ୍ୟ ସଚିବ ଏଭଳି କହିଛନ୍ତି ଯେ ରାଜ୍ୟରେ ଟିକା ନାହିଁ । ଏଠିକା ହେଲଥ୍ ସେକ୍ରେଟେରୀ ରାହୁଲ ଗାନ୍ଧିଙ୍କ ଭାଷା କହୁଛନ୍ତି । ମୁଁ ତାଙ୍କୁ ଶୁଭେଚ୍ଛା ଦେଉଛି । ମୋର ଅନୁରୋଧ ସମାଜରେ ଏଭଳି କ୍ରାଇସେସ୍ ତିଆରି ନକରିବା ଦରକାର । ଖୁବଶୀଘ୍ର ଆଉ ୨, ୩ ଟି ଟିକାକୁ ସରକାର ଅନୁମତି ଦେବାକୁ ଯାଉଛନ୍ତି । ଏହା ଦ୍ୱାରା ଟିକା ଅଧିକ ମାତ୍ରାରେ ଉପଲବ୍ଧ ହେବ ।
