ଭୁବନେଶ୍ୱର୧୧/୪: ଭାଇରସକୁ ରୋକିବାକୁ ସାରା ରାଜ୍ୟରେ କୋଭିଡ କଟକଣାକୁ ଜୋରଦାର କରାଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୧୪ ଦିନ ଧରି ମାସ୍କ ପରିଧାନକୁ ଗୁରୁତ୍ୱ ଦେଇଛନ୍ତି । ଏପରିକି ମାସ୍କ ନପିନ୍ଧିଲେ ଫାଇନ ମଧ୍ୟ ଆଦାୟ ହେଉଛି । ବିଭିନ୍ନ ସ୍ଥାନରେ ମାସ୍କ ଚେକିଂ ବି କରାଯାଉଛି । ତଥାପି କିଛି ଅମାନିଆ ମାସ୍କ ପିନ୍ଧୁନାହାଁନ୍ତି କି ସାମାଜିକ ଦୂରତାକୁ ଗୁରୁତ୍ୱ ଦେଉନାହାଁନ୍ତି ।
ଦୋକାନୀ ମାନେ ମଧ୍ୟ ବ୍ୟବସାୟ ଆଳରେ ପାଳନ ନିୟମ ଉଲ୍ଲଙ୍ଘନ କରୁଛନ୍ତି । ଏହି ପରିପ୍ରେକ୍ଷୀରେ ନିୟମ କଡ଼ାକଡି ପାଳନ ହେଉଛି କି ନାହିଁ ତାହା ଜାଣିବାକୁ ଭୁବନେଶ୍ୱରର ବିଭିନ୍ନ ମାଛ ମାର୍କେଟରେ କମିଶନରେଟ ପୋଲିସର ଚଢାଉ କରିଥିଲା । ୪ ନମ୍ବର ମାଛ ମାର୍କେଟ, ଶୈଳଶ୍ରୀ ବିହାର ମାଛ ମାର୍କେଟରେ ପୋଲିସ ଏହି ଚଢାଉ କରିଥିଲା । ଏହି ସମୟରେ ବିଭିନ୍ନ ଦୋକାନୀ କୋଭିଡ ନିୟମ ଉଲଂଘନ କରୁଥିବା ଦେଖି ପୋଲିସ ସେମାନଙ୍କ ଠାରୁ ଫାଇନ୍ ଆଦାୟ କରିଥିଲା । ଏହାସହ ଗ୍ରାହକ ଦୋକାନୀଙ୍କୁ ସଚେତନ ମଧ୍ୟ କରିଥିଲା ।
