ମୁମ୍ବାଇ ୦୨/୦୩: ବିଗ୍ ବସ୍ ସିଜନ୍ ୧୪ ଶେଷ ହୋଇଯାଇଛି । ଏହି ଶୋ’ରେ ରୁବିନା ଦିଲାଏକ୍ ଟ୍ରଫି ହାସଲ କରିଛନ୍ତି । ଟ୍ରଫି ସହିତ ରୁବିନା ମଧ୍ୟ ୩୬ ଲକ୍ଷ ଟଙ୍କା ଜିତିଛନ୍ତି । ତେବେ ଚାଲନ୍ତୁ ଜାଣିବା ରୁବିନା ଜିତିଥିବା ଏହି ୩୬ ଲକ୍ଷ ଟଙ୍କାକୁ ନେଇ କଣ କରିବେ ।
ରୁବିନା ତାଙ୍କ ଗାଁ ଶିମଲାକୁ ଖୁବ୍ ଭଲ ପାଆନ୍ତି । ସେ ବିଗ୍ ବସ୍ ରେ ଜିତିଥିବା ଟଙ୍କା ନିଜ ପାଇଁ ନୁହେଁ, ବରଂ ତାଙ୍କ ଗାଁ ପାଇଁ ଖର୍ଚ୍ଚ କରିବେ । ସୂଚନା ଅନୁଯାୟୀ, ରୁବିନା ତାଙ୍କ ଗାଁରେ ବିଦ୍ୟୁତ୍ ବ୍ୟବସ୍ଥା କରିବାକୁ ଚାହୁଁଛନ୍ତି । ସେ ଚାହୁଁଛନ୍ତି ଯେ ତାଙ୍କ ଗାଁ ଅଗ୍ରଗତି କରୁ ଏବଂ ଲୋକମାନେ ସମସ୍ତ ସୁବିଧା ପାଇପାରନ୍ତୁ । ଗାଁ ଆଗକୁ ବଢିବା ସହିତ ଲୋକ ମାନଙ୍କର ଯେମିତି କୌଣସି ଅସୁବିଧା ନ ହେଉ । ତେଣୁ ସେ ବିଗ୍ ବସ୍ ରୁ ଜିତିଥିବା ଟଙ୍କା ତାଙ୍କ ଗାଁର ବିକାଶ ପାଇଁ ବ୍ୟବହାର କରିବେ ।
ଏଥି ସହିତ ରୁବିନାଙ୍କ ସେଲିବ୍ରେସନ୍ ର ଫଟୋ ମଧ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସେ ତାଙ୍କର ସାଙ୍ଗ ଏବଂ ପରିବାର ସହିତ ନିଜ ବିଜୟର ସେଲିବ୍ରେସନ୍ କରୁଥିଲେ । ଏହି ସମୟରେ କିନ୍ନର ସମାଜର ଗୁରୁ ମାତା ଅନ୍ନୁ ଜୀ ଅଭିନେତ୍ରୀଙ୍କ ଘରେ ମଧ୍ୟ ପହଞ୍ଚିଥିଲେ । ଯାହାଙ୍କୁ ଦେଖି ରୁବିନା ଖୁବ୍ ଖୁସି ହୋଇ ଯାଇଥିଲେ । ଏହାର ଏକ ଭିଡିଓ ଅଭିନେତ୍ରୀ ତାଙ୍କ ଇନଷ୍ଟାଗ୍ରାମରେ ସେୟାର କରିଛନ୍ତି ଯେଉଁଥିରେ ଗୁରୁ ମା ଅନ୍ନୁ ଜୀ ଅଭିନେତ୍ରୀଙ୍କୁ ଆଶୀର୍ବାଦ ଦେଉଥିବା ଦେଖାଯାଇଛି ।
