ହରିଦ୍ୱାର ୦୯/୦୨ : ଦୁନିଆର ସବୁଠାରୁ ବଡ ଧାର୍ମିକ ମେଳା ମହାକୁମ୍ଭ ମେଳା ଏଥର ହରିଦ୍ୱାରରେ ହେବାକୁ ଯାଉଛି। ମହାକୁମ୍ଭକୁ ନେଇ ପ୍ରସ୍ତୁତି ଜୋରସୋରରେ ଚାଲିଛି। ଲକ୍ଷ ଲକ୍ଷ ଶ୍ରଦ୍ଧାଳୁ କୁମ୍ଭରେ ପବିତ୍ର ସ୍ନାନ କରିବେ। କିନ୍ତୁ କରୋନା ମହାମାରୀ ଯୋଗୁଁ ଶ୍ରଦ୍ଧାଳୁଙ୍କୁ ଅସୁବିଧା ସାମ୍ନା କରିବାକୁ ପଡିପାରେ। ହରିଦ୍ୱାର ଜିଲ୍ଲା ପ୍ରଶାସନ ପାଖାପାଖି ୩ ହଜାର ହୋଟେଲକୁ କୋଭିଡ କେୟାର ସେଣ୍ଟର କରିବାକୁ ଚିହ୍ନଟ କରିଛି। ସେଥିପାଇଁ ଶ୍ରଦ୍ଧାଳୁଙ୍କୁ ହୋଟେଲ ବୁକିଂରେ ଅସୁବିଧାର ସମ୍ମୁଖୀନ ହେବାକୁ ପଡିପାରେ। ଦିନେ ଦୁଇ ଦିନ ଭିତରେ ହୋଟେଲଗୁଡିକୁ କୋଭିଡ କେୟାର ସେଣ୍ଟରର ଅଧିଗ୍ରହଣ ନେଇ ସୂଚନା ଦିଆଯିବ ବୋଲି ଜିଲ୍ଲା ପ୍ରଶାସନ କହିଛି। ସରକାରଙ୍କ ଏହି ନିଷ୍ପତ୍ତି ପରେ ହୋଟେଲ ବ୍ୟବସାୟୀ ଚିନ୍ତିତ ହୋଇପଡିଛନ୍ତି।
କରୋନା ଯୋଗୁଁ କୁମ୍ଭ ମେଳାରେ ବିଶେଷ ବ୍ୟବସ୍ଥା କରାଯାଉଛି। ତେବେ ସରକାର ଏବେ ଯାଏଁ କୌଣସି ନୋଟିଫିକେସନ ଜାରି କରିନାହାନ୍ତି। କିନ୍ତୁ କୁମ୍ଭ ମେଳାକୁ ନେଇ ପ୍ରଶାସନ ବଡ ସ୍ଥରରେ ପ୍ରସ୍ତୁତି କରୁଛି। ସମୟ ଆସିଲେ ଏବଂ ଆବଶ୍ୟକ ପଡିଲେ ହୋଟେଲଗୁଡିକୁ କୋଭିଡ କେୟାର ସେଣ୍ଟର ଭାବେ ବ୍ୟବହାର କରିବାକୁ ହଜାର ହଜାର ହୋଟେଲ ଚିହ୍ନଟ କରାଯାଇଛି। କୋଭିଡ କେୟାର ପାଇଁ ଜିଲ୍ଲା ପ୍ରଶାସନ ପ୍ରାୟ ୧୦ ହଜାର ବେଡ଼ ପ୍ରସ୍ତୁତ କରୁଛି। ତାଛଡା ମେଳା ପ୍ରଶାସନ ମଧ୍ୟ ଏଥିପାଇଁ ଅଲଗା ପ୍ରସ୍ତୁତି କରୁଛି।
ସରକାରଙ୍କ ଏହି ନିଷ୍ପତ୍ତି ଯୋଗୁଁ ହୋଟେଲ ବ୍ୟବସାୟୀ ଚିନ୍ତିତ ଅଚାହଁନ୍ତି। ହୋଟେଲ ବ୍ୟବସାୟୀ କହିଛନ୍ତି ପ୍ରଶାସନ ଯଦି ହୋଟେଲଗୁଡିକୁ କୋଭିଡ କେୟାର ସେଣ୍ଟର କରିଦେବ ତାହେଲେ ଶ୍ରଦ୍ଧାଳୁ କେଉଁଠି ରହିବେ। ଏହି ନିଷ୍ପତ୍ତି ଦ୍ୱାରା ତାଙ୍କ ବ୍ୟବସାୟ ମଧ୍ୟ ମାଡ ଖାଇବା। ପ୍ରଶାସନ ଏଥିପାଇଁ ନିଜ ସ୍ଥରରେ ବ୍ୟବସ୍ଥା କରିବା ଉଚିତ ବୋଲି ହୋଟେଲ ବ୍ୟବସାୟୀ କହିଛନ୍ତି। ଏନେଇ ହୋଟେଲ ମାଲିକ ଆନ୍ଦୋଳନ କରିବାକୁ ଘୋଷଣା କରିଛନ୍ତି। ବ୍ୟବସାୟୀ କହିଛନ୍ତି, ଜିଲ୍ଲା ପ୍ରଶାସନ ପୂର୍ବରୁ ହୋଟେଲଗୁଡିକୁ କୋଭିଡ କେୟାର ସେଣ୍ଟର କରିଥିଲା ଯାହାର ଟଙ୍କା ଆଜି ଯାଏଁ ଦେଇନି।
