ନୂଆଦିଲ୍ଲୀ: ‘ସିରମ୍ ଇନ୍ଷ୍ଟିଚ୍ୟୁଟ୍ ଅଫ୍ ଇଣ୍ଡିଆ’ ଉତ୍ପାଦିତ ଅକ୍ସଫୋର୍ଡ କୋଭିଡ୍-୧୯ ଟିକା ‘କୋଭିସିଲ୍ଡ୍’ର ଦୁଇଟି ଡୋଜ୍ ମଧ୍ୟରେ ୧୨ ରୁ ୧୬ ସପ୍ତାହ ବ୍ୟବଧାନ ରଖିବା ଲାଗି ‘ଦି ନ୍ୟାସ୍ନାଲ୍ ଟେକ୍ନିକାଲ୍ ଆଡ୍ଭାଇଜରି ଗ୍ରୁପ୍ ଅନ୍ ଇମ୍ୟୁନାଇଜେସନ୍’ (ଏନ୍ଟିଏଜିଆଇ) ଗୁରୁବାର ଦିନ ପ୍ରସ୍ତାବ ଦେଇଛି। ପୂର୍ବରୁ ଏହି ବ୍ୟବଧାନ ଥିଲା ୪ ରୁ ୮ ସପ୍ତାହ।
ସେହିଭଳି, ଅନ୍ତଃସତ୍ତ୍ବା ମହିଳାମାନେ ନିଜ ପସନ୍ଦ ମୁତାବକ ଯେକୌଣସି କୋଭିଡ୍-୧୯ ଟିକା ବାଛି ନେଇ ପାରିବେ। ପ୍ରସବ କରିବା ପରେ ପରେ ସ୍ତନ୍ୟଦାତ୍ରୀ ମହିଳାମାନେ ମଧ୍ୟ ଯେକୌଣସି ଦିନ ଏହି ଟିକା ନେଇପାରିବେ।
ଏହା ବ୍ୟତିରେକେ, କୋଭିଡ୍-୧୯ ପଜିଟିଭ୍ ହୋଇଥିବା ବ୍ୟକ୍ତିମାନେ ଆରୋଗ୍ୟ ହେବାର ୬ ମାସ ପରେ ଟିକା ନେବା ଉଚିତ ବୋଲି ଟିକାକରଣ କମିଟି ‘ଏନ୍ଟିଏଜିଆଇ’ ପ୍ରସ୍ତାବ ଦେଇଛି।
ଲାଗୁ କରାଯିବା ପୂର୍ବରୁ ‘ଏନ୍ଟିଏଜିଆଇ’ର ଏହି ପ୍ରସ୍ତାବ ବା ସୁପାରିସପତ୍ରକୁ ‘ନ୍ୟାସ୍ନାଲ୍ ଏକ୍ସପର୍ଟ ଗ୍ରୁପ୍ ଅନ୍ ଭ୍ୟାକ୍ସିନ୍ ଆଡ୍ମିନିଷ୍ଟ୍ରେସନ୍ ଫର୍-୧୯’କୁ ପଠାଯିବ। କିନ୍ତୁ, ଭାରତ ବାୟୋଟେକ୍ ଉତ୍ପାଦିତ ‘କୋଭାକ୍ସିନ୍’ର ଦୁଇଟି ଡୋଜ୍ ମଧ୍ୟରେ ଥିବା ଅନ୍ତରକୁ ‘ଏନ୍ଟିଏଜିଆଇ’ ପରିବର୍ତ୍ତନ କରିନାହିଁ।
କିନ୍ତୁ, ଭାରତ ବାୟୋଟେକ୍ ଉତ୍ପାଦିତ ‘କୋଭାକ୍ସିନ୍’ର ଦୁଇଟି ଡୋଜ୍ ମଧ୍ୟରେ ଥିବା ଅନ୍ତରକୁ ‘ଏନ୍ଟିଏଜିଆଇ’ ପରିବର୍ତ୍ତନ କରିନାହିଁ।
