ସମ୍ୱଲପୁର, , ୦୩/୦୮: ୬ ଦିନ ଧରି ନାବାଳକ ଶିଶୁପୁତ୍ରକୁ ଥାନାରେ ଥାର୍ଡ ଡିଗ୍ରୀ | ସମ୍ବଲପୁର ସଦର ଥାନା ବିରୁଦ୍ଧରେ ଆସିଛି ଏହି ସାଂଘାତିକ ଅଭିଯୋଗ | ମୋବାଇଲ ଚୋରି ଅଭିଯୋଗରେ ୧୧ ବର୍ଷୀୟ ନାବାଳକକୁ ସଦର ଥାନା ପୋଲିସ ନେଇ ପଚରାଉଚୁରା କରିବା ସହ ଥାର୍ଡ ଡିଗ୍ରୀ ଦେଇଥିବା ପରିବାର ଲୋକେ ଅଭିଯୋଗ କରିଛନ୍ତି |
ବୁଧବାର ସିଡବ୍ଲୁସିରେ ନାବାଳକୁ ହାଜର କରିବା ପରେ ସିଡବ୍ଲୁସି ପକ୍ଷରୁ ନାବାଳକକୁ ପଚରା ଉଚୁରା ପରେ ସାଂଘାତିକ ତଥ୍ୟ ସାମ୍ନାକୁ ଆସିଛି | ଚଷମା ପିନ୍ଧା ଜଣେ ଲେଡି ଅଫିସର ପାଇପ ଓ ବାଡିରେ ବାଡେଇ ଦେହରେ ବିଭିନ୍ନ ସ୍ଥାନରେ କ୍ଷତ କରିଛନ୍ତି | ଯଦି କୌଣସି ଅପରାଧ ପାଇଁ ଶିଶୁକୁ ସେଠାରେ ରଖାଗଲା ତେବେ ୨୪ ଘଣ୍ଟା ଭିତରେ କାହିଁକି ଜୁଭିନାଇଲ ଜଷ୍ଟିସ ବୋର୍ଡରେ ହାଜର କରାଗଲା ନାହିଁ ବୋଲି ପ୍ରଶ୍ନ ଉଠୁଛି | ସେପଟେ ଯଦି ଅସହାୟ ଅବସ୍ଥାରେ ତାକୁ ଉଦ୍ଧାର କରାଗଲା, କାହିଁକି ସିଡବ୍ଲୁସିରେ ଦିଆଗଲା ନାହିଁ | ସିଡବ୍ଲୁସି ପକ୍ଷରୁ ଏହାର ତଦନ୍ତ କରାଯିବ ବୋଲି ଜଣାପଡିଛି
