କଳାବାଡିଆ: ମୟୁରଭଞ୍ଜ ଜିଲ୍ଲା ବାଙ୍ଗିରିପୋଷି ଥାନା ଜାତୀୟ ରାଜପଥ ୧୮ କଳାବାଡିଆ ପଞ୍ଚାୟତ ଜଗନ୍ନାଥଖୁଣ୍ଟା ସୁବର୍ଣ୍ଣରେଖା କେନାଲର ୨୫ ଫୁଟ ତଳକୁ ଖସିପଡ଼ିଲା ଟ୍ରକ। ଗୁରୁତର ଡ୍ରାଇଭର ଓ ହେଲପରକୁ ବାରିପଦା ପଠାଯାଇଥିବା ବେଳେ ମୃତ୍ୟୁ ଘଟିଛି। ପ୍ଲାୟଉଡ ନେଇ ବିଶାଖାପାଟଣାରୁ ନେପାଳ ଯାଉଥିବା ଏପି ୦୭ ଟି ଏଫ ୯୩୮୮ ନମ୍ବର ଥିବା ଟ୍ରକ୍ ଭାରସାମ୍ୟ ହରାଇ ପ୍ରଥମେ ପୋଲର ଡିଭାଇଡରରେ ଧକ୍କା ଦେଇ ସୁବର୍ଣ୍ଣରେଖା କେନାଲ ତଳକୁ ଖସି ପଡ଼ିଥିଲା।
ସମ୍ଭବତଃ ଡ୍ରାଇଭରଙ୍କର ଆଖି ଲାଗିଯାଇ ଥିବା ହେତୁ ଏହି ଅଘଟଣ ଘଟିଛି। ଉଭୟଙ୍କୁ ଉଦ୍ଧାର କରାଯାଇ ଦମକଳବାହିନୀ ଓ ପୁଲିସ ସହାୟତାରେ ରାତି ୨ଟା୩୦ ମିନିଟରେ ପଠାଯାଇଥିଲା। ମୃତ ଡ୍ରାଇଭର ଆଜ ନାରାୟାଣା (୫୦) ଓ ହେଲପର କୟାନା ଚିନାରାଓ (୪୦)ଙ୍କ ଘର ଆନ୍ଧ୍ର ପ୍ରଦେଶର ସିକାକୁଲମରେ ବୋଲି ଜଣାପଡ଼ିଛି।
