ମୁମ୍ବାଇ: ୨୦୨୩ରେ ଚୀନ୍ରୁ ଆଗତ କୋଭିଡ୍ ସଂକଟ ଓ ବିଶ୍ବ ମାନ୍ଦାବସ୍ଥା ଦ୍ବାରା ଭାରତର କର୍ପୋରେଟ ଜବତ ପ୍ରଭାବିତ ହେବା ଆଶଙ୍କା କମ୍। ମହାମାରୀରୁ ଭାରତ ଯେଉଁ ଶିକ୍ଷା ଗ୍ରହଣ କରିଛି, ତାହା ତାକୁ ଏ ଦିଗରେ ସାହାଯ୍ୟ କରିବ ବୋଲି କର୍ପୋରେଟ୍ ମୁଖିଆମାନେ କହିଛି। ଭାରତରେ ବଜାର ଚାହିଦା ଓ ଆର୍ଥିକ ସ୍ଥିତି ବେଶ୍ ଭଲ ରହିଛି। ଆର୍ଥିକ ଅଭିବୃଦ୍ଧି ଦୃଷ୍ଟିରୁ ବି ଭାରତର ସ୍ଥିତି ଅନେକ ଦେଶ ଅପେକ୍ଷା ଭଲ ରହିଛି। କଳକାରଖାନା ଓ ଶିଳ୍ପସଂସ୍ଥାଗୁଡ଼ିକର ଉତ୍ପାଦନ ବେଶ୍ ଭଲ ରହିଛି। ତଥାପି ଆଭ୍ୟନ୍ତରୀଣ ସ୍ଥିତି ଭଲ ଥିଲେ ବି କେତେକ ବାହ୍ୟ କାରଣ ଆୟ ବୃଦ୍ଧିରେ ବାଧକ ସାଜିପାରେ। ଭାରତୀୟ ଶିଳ୍ପ ସଂଘର ଅଧ୍ୟକ୍ଷ ସଂଜୀବ ବଜାଜଙ୍କ କହିବା ଅନୁସାରେ ଆମେରିକା ଓ ୟୁରୋପ ପରି ଯେଉଁସବୁ ଦେଶକୁ ଭାରତ ରପ୍ତାନି କରିଥାଏ, ୨୦୨୩-୨୪ ଆର୍ଥିକ ବର୍ଷରେ ସେସବୁ ଦେଶରେ ଆର୍ଥିକ ମାନ୍ଦାବସ୍ଥା ଦେଖାଯିବ।
ସେଥିପାଇଁ ସେସବୁ ଦେଶରେ ଭାରତୀୟ ସାମଗ୍ରୀର ଚାହିଦା କମ୍ ରହିବ। ତେଣୁ ଅନେକ ପ୍ରମୁଖ ଭାରତୀୟ କମ୍ପାନି କିଛି ପରିମାଣରେ ଅନ୍ୟ ଦେଶର ବଜାର ଉପରେ ନଜର ପକାଇଛନ୍ତି। ଏହାଦ୍ବାରା ସେମାନଙ୍କ ରପ୍ତାନି ପରିମାଣ ଓ ଅଭିବୃଦ୍ଧିରେ ହାନି ଘଟିବ ନାହିଁ। ବଜାଜ ଫିନସର୍ଭର ଅଧ୍ୟକ୍ଷ ପୁନଶ୍ଚ କହିଛନ୍ତି ଯେ ଚୀନ୍ର ଆର୍ଥିକ ଭଙ୍ଗୁରତା ଓ ରୁଷ୍-ୟୁକ୍ରେନ୍ ଯୁଦ୍ଧ ଆମ କର୍ପୋରେଟ୍ କ୍ଷେତ୍ରକୁ ଅନୁକୂଳିତ ଓ ସ୍ଥିତିସ୍ଥାପକ ଯୋଗାଣ ଶୃଙ୍ଖଳ ଗଠନ ପାଇଁ ଅନୁପ୍ରେରିତ କରିଛି।
ରିନ୍ୟୁ ପାୱାର ଓ ଆସୋଚାମର ଅଧ୍ୟକ୍ଷ ସୁମନ୍ତ ସିହ୍ନାଙ୍କ କହିବା ଅନୁସାରେ, ବିଶ୍ବର ବଡ଼ବଡ଼ ଦେଶ ପାଇଁ ଚାଇନା-ପ୍ଲସ୍ ୱାନ୍ ଟେକ୍ନିକ୍ରେ ସହଯୋଗମୂଳକ ଭାବେ କାମ କରିବା ନିମନ୍ତେ ଆମର କଭରେଜ୍ ମେକର (ଇନ୍ସ୍ୟୁରାନ୍ସ ସଂସ୍ଥା) ଓ ସିଇଓମାନେ ପ୍ରସ୍ତୁତ ହେଉଛନ୍ତି। ମୁକ୍ତ-ବାଣିଜ୍ୟ ରାଜିନାମା ଏ ଦିଗରେ କେତେକ ଦ୍ବାର ଉନ୍ମୁକ୍ତ କରିପାରେ, କିନ୍ତୁ ବିଶ୍ବ ବଜାରରେ ନିରନ୍ତର ତିଷ୍ଠିରହିବା ପାଇଁ ଚଳଚଞ୍ଚଳତା ଓ ପ୍ରତିଯୋଗିତା ଜରୁରି। ଟାଟା ସନ୍ସ ଅଧ୍ୟକ୍ଷ ଏନ୍ ଚନ୍ଦ୍ରଶେଖରନ୍ କହିଛନ୍ତି, ଭାରତର ମୁଖ୍ୟ ଅର୍ଥ ବ୍ୟବସ୍ଥା ଦ୍ରୁତତର ଅଭିବୃଦ୍ଧିଶୀଳ ସ୍ଥିତିରେ ରହିଛି। କାରଣ ଖାଉଟିମାନଙ୍କ ଚାହିଦା ବଢ଼ୁଛି, ବିକ୍ରି ବଢ଼ୁଛି, ବ୍ୟବସାୟୀମାନଙ୍କ ଆତ୍ମପ୍ରତ୍ୟୟ ବଢ଼ୁଛି ଏବଂ ପାଣ୍ଠି ଯୋଗାଣ ବି ବୃଦ୍ଧି ପାଉଛି। ତେଣୁ ୨୦୨୩ରେ ବିଶ୍ବ ମାନ୍ଦାବସ୍ଥା ଦ୍ବାରା ଭାରତ ବିଶେଷ ପ୍ରଭାବିତ ହେବ ନାହିଁ ବୋଲି କର୍ପୋରେଟ୍ ମୁଖିଆମାନେ ମତବ୍ୟକ୍ତ କରିଛନ୍ତି।
