ଯାଜପୁର, ୦୩।୦୫: ଯାଜପୁର ପାଣିକୋଇଲି ଥାନା ୧୬ ନଂ ଜାତୀୟ ରାଜପଥ ସିଂଗଡା ଓଭରବ୍ରିଜ ଉପରେ ଅଟୋ ସହିତ ବାଇକ ମୁହାଁମୁହିଁ ଧକ୍କା ହୋଇଥିବା ଜଣାପଡ଼ିଛି । ଏହି ଦୁର୍ଘଟଣାରେ ବାଇକ ଅରୋହୀଙ୍କର ମୃତ୍ୟୁ ହୋଇଛି । ମୃତକଙ୍କ ନାମ ସୌଭାଗ୍ୟ ନାୟକ । ଏଥିରେ ଜଣେ ଗୁରୁତର ହୋଇଥିବା ବେଳେ ଅନ୍ୟଜଣେ ସାମାନ୍ୟ ଆହତ ହୋଇ ଯାଜପୁର ଜିଲ୍ଲା ମୁଖ୍ୟ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।
ଗୁରୁତର ହେଲେ ଅଟୋ ଚାଳକ ବାଲିପାଟଣା ଗ୍ରାମର ଶ୍ରୀକାନ୍ତ ପରିଡା ଏବଂ ବାଇକ ଚାଳକ କେନ୍ଦ୍ରାପଡା ଅଞ୍ଚଳର ଗଣେଶ୍ୱର ଖଟୁଆ । ଆଜି ଅପରାହ୍ନରେ ଏହି ଦୁର୍ଘଟଣାଟି ଘଟିଛି । ଅଟୋଟି ପାଣିକୋଇଲି ଅଭିମୁଖେ ଯାଉଥିବା ବେଳେ ଵିପରିତ ଦିଗରୁ ଆସିଥିବା ଏକ ବାଇକ ଏହାକୁ ଧକ୍କା ଦେଇଥିଲା। ପାଣିକୋଇଲି ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
