ମୁମ୍ୱାଇ ୧୮/୦୩ : ‘କାଶ୍ମୀର ଫାଇଲ୍ସ’ ରିଲିଜ୍ ହେବାର ଏକ ସପ୍ତାହ ବିତିଗଲାଣି । ଚଳଚ୍ଚିତ୍ରର ଇନକମ୍ କମିବା ଦୂରର କଥା ବକ୍ସ ଅଫିସରେ ଧୂମ ମଚାଇବାରେ ଲାଗିଛି । ପ୍ରତିଦିନ ଏହାର ରୋଜଗାର ମଧ୍ୟ ବୃଦ୍ଧି ପାଉଛି । ଆଜିଠୁ ଫିଲ୍ମର ଦ୍ୱିତୀୟ ସପ୍ତାହ ଆରମ୍ଭ ହୋଇଛି । ହୋଲି ଅବସରରେ ଅକ୍ଷୟ କୁମାରଙ୍କ ଫିଲ୍ମ ‘ବଚ୍ଚନ ପାଣ୍ଡେ’ ରିଲିଜ ହୋଇଛି । ହେଲେ ସବୁ ହଲରେ ହାଉସଫୁଲ ରହୁଛି ‘କାଶ୍ମୀର ଫାଇଲ୍ସ’ ।
‘ବଚ୍ଚନ ପାଣ୍ଡେ’ର ରାସ୍ତା ଏତେ ସହଜ ହେବ ନାହିଁ ବୋଲ ଆଶା କରାଯାଉଛି । ଉଭୟ ଚଳଚ୍ଚିତ୍ର ବିଭିନ୍ନ ପ୍ରକାରର ଏବଂ ସେଠାରେ ଭିନ୍ନ ଭିନ୍ନ ଦର୍ଶକ ଅଛନ୍ତି ଯେଉଁମାନେ ସେମାନଙ୍କୁ ପସନ୍ଦ କରନ୍ତି । ‘ବଚ୍ଚନ ପାଣ୍ଡେ’ର ସଫଳତା ଏହା ଉପରେ ନିର୍ଭର କରୁଛି ଯେ, ଚଳଚ୍ଚିତ୍ରଟି ଓପନିଙ୍ଗ କିପରି ରହୁଛି । ଗତ ସପ୍ତାହରେ ବଡ ବଜେଟ୍ ‘ରାଧେ ଶ୍ୟାମ୍’ ରିଲିଜ୍ ହୋଇଥିଲା । ଫିଲ୍ଟଟି ବକ୍ସ ଅଫିସରେ ଫ୍ଲପ ହୋଇଛି । ଏହାର ବଡ କାରଣ ‘କାଶ୍ମୀର ଫାଇଲ୍ସ’ ।
କାରଣ ଏବେ ବି ଏହି ଫିଲ୍ମକୁ ନେଇ ଚର୍ଚ୍ଚା ଥମିନି । ଏହି ଫିଲ୍ମଟି ବର୍ତ୍ତମାନ ୧୦୦କୋଟି କ୍ଲବରେ ଏଣ୍ଟ୍ରି କରିବାକୁ ଯାଉଛି । ଗୁରୁବାର, ସପ୍ତମ ଦିନ, ଫିଲ୍ମଟି ପ୍ରାୟ ୧୮.୦୫ କୋଟି କଲେକ୍ସନ କରିଛି । ଫିଲ୍ମ ଏବେ ସୁଦ୍ଧା ୯୭.୩୦ କୋଟି ଟଙ୍କା ବ୍ୟବସାୟ କରିଛି । ଏହି ଚଳଚ୍ଚିତ୍ର ଶୁକ୍ରବାର ଦିନ ୩.୫୫କୋଟି, ଶନିବାର ଦିନ ୮.୫୦ କୋଟି, ରବିବାର ଦିନ ୧୫.୧୦କୋଟି, ସୋମବାର ଦିନ ୧୫.୦୫କୋଟି, ମଙ୍ଗଳବାର ଦିନ ୧୮କୋଟି, ବୁଧବାର ୧୯.୦୫ କୋଟି ରୋଜଗାର କରିଛି ।
