ଭୁବନେଶ୍ୱର: ରାଜ୍ୟରେ ହୁ ହୁ ହୋଇ କରୋନା ବଢିଚାଲିଛି | କରୋନା ବଢିବା ସାଙ୍ଗକୁ ଓଡ଼ିଶାରେ କୋଭିଡ ରୋଗୀଙ୍କ ସଂଖ୍ୟା ମଧ୍ୟ ବଢିଚାଲିଛି | ଗତ ୨୪ ଘଣ୍ଟା ମଧ୍ୟରେ ୧୧୧୭୭ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି | ଏମାନଙ୍କ ମଧ୍ୟରୁ ୦ ରୁ ୧୮ ବର୍ଷ ମଧ୍ୟରେ ୧୦୧୬ ଥିବାବେଳେ ସଙ୍ଗରୋଧରୁ ୬୪୭୯ ଜଣ ଓ ୪୬୯୮ ଜଣ ସ୍ଥାନୀୟ ସଂକ୍ରମଣ ବୋଲି ଜଣାପଡିଛି | ଗତ ୨୪ ଘଣ୍ଟା ମଧ୍ୟରେ ଖୋର୍ଦ୍ଧାରୁ ସର୍ବାଧିକ ୩୪୨୪, ସୁନ୍ଦରଗଡରୁ ୨୧୩୬ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି | ସେହିପରି ଜାନୁଆରୀ ପହିଲାରୁ ଏଯାଏଁ କରୋନା ଆକ୍ରାନ୍ତଙ୍କ ସଂଖ୍ୟା ବାବଦରେ ଆଲୋଚନା କଲେ ଦିନକୁ ଦିନ ଏହା ବଢୁଥିବା ଦେଖିବାକୁ ମିଳିଛି |
ଆଜି ୧୧୧୭୭, ଜାନୁଆରୀ ୧୫ରେ ୧୦୮୫୬, ଜାନୁଆରୀ ୧୪ରେ ୧୦୨୭୩, ଜାନୁଆରୀ ୧୩ରେ ୧୦୦୫୯, ଜାନୁଆରୀ ୧୨ରେ ୮୭୭୮, ଜାନୁଆରୀ ୧୧ରେ ୭୦୭୧, ଜାନୁଆରୀ ୧୦ରେ ୪୮୨୯, ଜାନୁଆରୀ ୯ରେ ୪୭୧୪, ଜାନୁଆରୀ ୮ରେ ୩୬୭୯, ଜାନୁଆରୀ ୭ ରେ ୨୭୦୩, ଜାନୁଆରୀ ୬ ରେ ୧୮୯୭, ଜାନୁଆରୀ ୫ରେ ୧୨୧୬, ଜାନୁଆରୀ ୪ରେ ୬୮୦, ଜାନୁଆରୀ ୩ରେ ୪୨୪, ଜାନୁଆରୀ ୨ରେ ୪୨୪, ଜାନୁଆରୀ ୧ରେ ୨୯୮ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି |
କେବଳ ଜାନୁଆରୀ ମାସର ୧୬ ଦିନରେ ୭୯୦୯୭ ସଂକ୍ରମିତ ଚିହ୍ନଟ ହୋଇଥିବାବେଳେ ରାଜ୍ୟର ଆକ୍ଟିଭ କେସ ୭୦ ହଜାର ମୁହାଁ ହୋଇଛି |
