ନୂଆଦିଲ୍ଳୀ ୩୦।୦୫ : ଦୀର୍ଘ ୫ ବର୍ଷ ପରେ ଆଇପିଏଲ୍କୁ ମିଳିଛି ନୂଆ ଚାମ୍ପିଅନ୍ । ଗୁଜୁରାଟ ଆଇପିଏଲ୍ ୨୦୨୨ର ଫାଇନାଲରେ ରାଜସ୍ଥାନ ରୟାଲ୍ସକୁ ପରାସ୍ତ କରି ଇଣ୍ଡିଆନ୍ ପ୍ରିମିୟର ଲିଗ୍ ଟାଇଟଲ୍ ଜିତିଛି । ଏଥର ଗୁଜୁରାଟ ନିଜର ପ୍ରଥମ ସିଜନରେ ଆଇପିଏଲ୍ ଟ୍ରଫି ଜିତିଥିଲା । ବୋଲରମାନେ ରାଜସ୍ଥାନ ରୟାଲ୍ସକୁ ମାତ୍ର ୧୩୦ ରନ୍ରେ ଅଟକାଇଥିଲେ । ଏହା ପରେ ୭ ୱିକେଟ୍ରେ ଗୁଜୁରାଟ୍ ମ୍ୟାଚ୍ ଜିତି ଯାଇଥିଲା।
ଏହି ବିଜୟ ପରେ ଟାଇଟାନ୍ସର ଫ୍ୟାନ୍ସମାନେ ଖୁସିରେ ଝୁମି ଉଠିଥିଲେ । ଷ୍ଟାଡିୟମ୍ ଦର୍ଶକଙ୍କ କରତାଳି ଉତ୍ସାହରେ ଉଠୁଥିଲା ପଡୁଥିଲା। ଏହି ସମୟରେ ହାର୍ଦ୍ଦିକ ପାଣ୍ଡ୍ୟାଙ୍କ ପତ୍ନୀ ନତାଶା ଷ୍ଟାନକୋଭିକ୍ ତାଙ୍କ ସ୍ୱାମୀଙ୍କ ବିଜୟରେ ଭାବପ୍ରବଣ ହୋଇଥିଲେ। ଟାଇଟଲ୍ ଜିତିବା ପରେ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଖୁସି ହସୁଥିବାର ଦେଖିବାକୁ ମିଳିଥିଲା। ଏହି ସମୟରେ ନତାଶା ପଡ଼ିଆକୁ ଧାଇଁ ଆସି ହାର୍ଦ୍ଦିକ ପାଣ୍ଡ୍ୟାଙ୍କୁ ଆଲିଙ୍ଗନ କରିଥିଲେ।ଦୁହେଁ ବହୁତ ଭାବପ୍ରବଣ ହୋଇଯାଇଥିଲେ । ଦୁହିଁଙ୍କ ଆଖିରେ ଖୁସିର ଲୁହ ବାହାରି ଆସିଥିଲା । କାହିଁକି ନା ନତାଶା ହାର୍ଦ୍ଦିକଙ୍କୁ ସବୁ ମ୍ୟାଚ୍ରେ ବହୁତ ସହଯୋଗ କରୁଥିବା ଦେଖିବାକୁ ମିଳିଛି
ଆଇପିଏଲ୍ ୨୦୨୨ ତାଙ୍କର ପ୍ରତ୍ୟାବର୍ତ୍ତନ ସିଜିନ୍ ଥିଲା । ଏହି କାରଣରୁ ହାର୍ଦ୍ଦିକ ପାଣ୍ଡ୍ୟା ଅନେକ ଅସୁବିଧାର ସମ୍ମୁଖୀନ ହୋଇଥିଲେ । ଗତ ବର୍ଷ ଟି -୨୦ ବିଶ୍ୱକପ ବେଳେ ବୋଲିଂ ନକରିବାରୁ ତାଙ୍କୁ କଡ଼ା ସମାଲୋଚନା କରାଯାଇଥିଲା। ସେବେଠାରୁ ସେ ଗୋଟିଏ ବି ମ୍ୟାଚ୍ ଖେଳି ନାହାଁନ୍ତି । ହେଲେ ଚଳିତ ବର୍ଷ ଆଇପିଏଲ୍ କୁ ଫେରିବାବେଳେ ତାଙ୍କ ଫିଟନେସ ପାଇଁ ବହୁତ କିଛି କାମ କରିଛନ୍ତି। ଗୁଜୁରାଟର ଅଧିନାୟକ ହୋଇ ଫାଇନାଲରେ ତିନୋଟି ୱିକେଟ୍ ହାସଲ କରିଥିଲେ।
