ସାଲେପୁର ୦୫/୦୮: କିଶନନଗର ଥାନା ବୋଧପୁର ଗ୍ରାମପଞ୍ଚାୟତ ଅଧିନସ୍ତ ନାନପୁର ଗ୍ରାମରୁ ୩ ଯୁବକଙ୍କୁ ଉଠାଇଲା ହାଇଦ୍ରାବାଦ ପୋଲିସ । ହାଓଲା ଅର୍ଥ କାରବାର ଅଭିଯୋଗରେ ହାଇଦ୍ରାବାଦ ପୋଲିସ ଗତକାଲି ସନ୍ଧ୍ୟାରେ କିଶନନଗର ଅଞ୍ଚଳର ୩ ଯୁବକଙ୍କୁ ଉଠାଇ ନେଇଛି । ସେମାନଙ୍କୁ କିଶନନଗର ଥାନାରେ ରଖି ପଚରା ଉଚରା କରିଛି ।
ସେମାନଙ୍କ ନିକଟରୁ ପୁଲିସ ଲ୍ୟାପଟପ,ଏଟିଏମ କାର୍ଡ, ମୋବାଇଲ ଫୋନ ଆଦି ଜବତ କରିଛି । ଏହି ୩ ଯୁବକଙ୍କ ମଧ୍ୟରେ ଦୁଇ ଭାଇ ରହିଥିବା ଜଣା ପଡ଼ିଛି । ତେବେ ତଦନ୍ତ ଚାଲିଥିବାରୁ ସବିଶେଷ ତଥ୍ୟ ପୋଲିସ ପ୍ରକାଶ କରୁନାହଁ । ତେବେ ଏମାନଙ୍କ ମଧ୍ୟରୁ ସଞ୍ଜୟ ବେହେରା ନାମକ ଜଣେ ଯୁବକକୁ ଗିରଫ କରି ପୋଲିସ ହାଇଦ୍ରାବାଦ ନେବା ପାଇଁ ପ୍ରସ୍ତୁତି ଚଳାଇଛି ।
