ଲକ୍ଷ୍ନୌ : ଉତ୍ତରପ୍ରଦେଶର ମୁଜାଫରନଗର ଜିଲ୍ଲାରେ ଜଣେ ମହିଳା ସ୍ବାମୀକୁ ମାରି ପାଇଖାନା ଟାଙ୍କିରେ ପୋତି ଦେଇଛି। ପ୍ରେମିକ ସହଯୋଗରେ ମହିଳା ଜଣକ ଏହି କାଣ୍ଡ ଘଟାଇଛି। ଅଭିଯୁକ୍ତ ମହିଳାର ନାଁ ଆଶିୟା। ସେ ତା’ ସ୍ବାମୀଙ୍କ ସାନ ଭାଇକୁ ପ୍ରେମ କରୁଥିଲା। ସ୍ବାମୀଙ୍କ ସାନ ଭାଇ ସୁହେଲ ସାହାଯ୍ୟରେ ସେ ତା ସ୍ବାମୀକୁ ହତ୍ୟା କରିଛି ଏବଂ ଘରର ପାଇଖାନା ଟାଙ୍କିରେ ମର ଶରୀରକୁ ପୋତି ଦେଇଥିଲା। ତେବେ ଏହି ଘଟଣାର ତଦନ୍ତ ହେବାପରେ ଆଶିୟା ଧରା ପଡ଼ିଛି ଏବଂ ଗିରଫ ହୋଇଛି। ମୃତ ବ୍ୟକ୍ତିଙ୍କ ନାଁ ହେଉଛି ସାଗର। ଗତ ଜୁନ୍ ୬ ତାରିଖରୁ ସେ ନିଖୋଜ ଥିଲେ। ତଦନ୍ତ ହେବାପରେ ସତ ପଦାକୁ ଆସିଲା। ସ୍ବାମୀକୁ ମାରି ଆଶିୟା ସେହି ସମାନ ଘରେ ରହି ଆସୁଥିଲା। ପୁଲିସ ଆଶିୟା ଏବଂ ସୁହେଲଙ୍କୁ ଜେରା କରିବାପରେ ଉଭୟ ସେମାନଙ୍କ ଅପରାଧ ସ୍ବୀକାର କରିଛନ୍ତି।
ସ୍ବାମୀକୁ ମାରି ପାଇଖାନା ଟାଙ୍କିରେ ପୋତିଦେଲା ସ୍ତ୍ରୀ
