ନୂଆଦିଲ୍ଲୀ ୧୪/୧୧ : ବଲିଉଡ ଅଭିନେତା ଅକ୍ଷୟ କୁମାର ଦୀପାବଳିରେ ଖାସ ଅନ୍ଦାଜରେ ଶୁଭକାମନା ଦେଇଛନ୍ତି। ସୋସିଆଲ ମିଡ଼ିଆ ଜରିଆରେ ନିଜର ଆଗାମୀ ଫିଲ୍ମ ‘ରାମ ସେତୁ’ର ଫାଷ୍ଟ ଲୁକ ଜାରି କରି ଦେଶବାସୀଙ୍କୁ ଦୀପାବଳିର ଶୁଭକାମନା ଦେଇଛନ୍ତି। ଅକ୍ଷୟ କୁମାର ଏହି ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ।
ଇନଷ୍ଟାଗ୍ରାମରେ ନିଜର ଆଗାମୀ ରାମ ସେତୁର ଫାଷ୍ଟ ଲୁକ ଜାରି କରି ଲେଖିଛନ୍ତି, ‘ଏହି ଦୀପାବଳି, ଭାରତର ଆଦର୍ଶ ଓ ମହାନାୟକ ପ୍ରଭୁ ଶ୍ରୀରାମଙ୍କ ପୁଣ୍ୟ ସ୍ମୃତିକୁ ଯୁଗ ଯୁଗ ଧରି ଭାରତ ଚେତନାରେ ସୁରକ୍ଷିତ ରଖିବାକୁ ଏମିତି ଏକ ସେତୁ ତିଆରି କରିବା ଯାହା ଆଗାମୀ ପିଢ଼ିକୁ ପ୍ରଭୁ ଶ୍ରୀରାମଙ୍କ ସହ ଯୋଡି ରଖିବା। ଏହି ପ୍ରୟାସରେ ଆମର ଏକ ଛୋଟ ପ୍ରୟାସ ରାମ ସେତୁ। ଆପଣ ସମସ୍ତଙ୍କୁ ଦୀପାବଳିର ଶୁଭକାମନା।’
https://www.instagram.com/p/CHj3QbtH-2v/?utm_source=ig_embed
ଅକ୍ଷୟ କୁମାରର ଏହି ଫାଷ୍ଟ ଲୁକକୁ ୭ ଲକ୍ଷରୁ ଅଧିକ ଲୋକ ପସନ୍ଦ କରିଛନ୍ତି। ଏଥିରେ ଅକ୍ଷୟ କୁମାର ଅତ୍ୟନ୍ତ ଗମ୍ଭୀର ମୁଦ୍ରାରେ ନଜର ଆସିଛନ୍ତି। ଏଥିରେ ସେ ଡେନିମ ସାର୍ଟ ସହ ଗ୍ରେ ରଙ୍ଗର କାର୍ଗୋ ପିନ୍ଧିଛନ୍ତି। ଅକ୍ଷୟଙ୍କ ପଛପଟେ ଶ୍ରୀରାମଙ୍କ ଫଟୋ ରହିଛି।
https://www.instagram.com/p/CHj3GTpHV2v/?utm_source=ig_embed
ରାମ ସେତୁର ନିର୍ଦେଶକ ହେଲା ଅଭିଷେକ ଶର୍ମା। ଅରୁଣା ଭାଟିଆ ଓ ବିକ୍ରମ ମଲହୋତ୍ରା ଫିଲ୍ମ ନିର୍ମାତା। ଏହା ପୂର୍ବରୁ ଅଭିଷେକ ଶର୍ମା ଅକ୍ଷୟ କୁମାରଙ୍କ ଫିଲ୍ମ ମିଶନ ମଙ୍ଗଳର ନିର୍ଦେଶନା ଦେଇଥିଲେ।
