ଜଳେଶ୍ବର ୪।୩: ସାପ କାମୁଡାର ୪ ମାସ ପରେ ଯୁବକ ମୃତ । ସାପ ବିଷ ଯୋଗୁଁ ମୃତ୍ୟୁ ହୋଇଥିବା ସନ୍ଦେହ । ମୃତକ ହେଉଛନ୍ତି ବାଲେଶ୍ବର ଜିଲ୍ଲା ଜଳେଶ୍ବର ଥାନା ଇକଡା ଗ୍ରାମର ଜ୍ୟୋତିପ୍ରକାଶ ପ୍ରଧାନ ।
ସୂଚନାଯୋଗ୍ୟ ଯେ, ଗତ ଅକ୍ଟୋବର ମାସରେ ମର୍ନିଂ ୱାକରେ ଯାଉଥିଲା ବେଳେ ଇକଡା ଗ୍ରାମର ତନୁଜ ପ୍ରଧାନଙ୍କର ଏକ ମାତ୍ର ପୁତ୍ର ଜ୍ୟୋତିପ୍ରକାଶ ପ୍ରଧାନଙ୍କୁ ଏକ ବିଷଧର ସାପ କାମୁଡିଥିଲା । ଜ୍ୟୋତିପ୍ରକାଶ ଡାକ୍ତରଖାନରେ ସେ ଚିକିତ୍ସିତ ହୋଇ ଘରକୁ ଫେରିଥିଲେ । ତେବେ ବୁଧବାର ରାତିରେ ତାଙ୍କର ଦେହ ଅତ୍ୟନ୍ତ ଖରାପ ହେବାରୁ ଘରଲୋକ ତାଙ୍କୁ ଜଳେଶ୍ବର ଡାକ୍ତରଖାନାକୁ ନେଇଆସିଥିଲେ । ଡାକ୍ତରଖାନରେ ଚିକିତ୍ସିତ ଅବସ୍ଥାରେ ରାତି ୧୦ଟା ସମୟରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପୁଅର ମୃତ୍ୟୁ ଖବର ପାଇ ପରିବାରରେ ଶୋକାକୁଳ ପରିବେଶ ଦେଖାଦେଇଛି ।
