ତେଲକୋଇ ୬।୬: ସାପ କାମୁଡାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି । ଏଭଳି ଅଭାବନୀୟ ଘଟଣା ଘଟିଛି କେନ୍ଦୁଝର ଜିଲ୍ଲା ତେଲକୋଇ ଥାନା ଅଞ୍ଚଳରେ । ଏହି ଅଞ୍ଚଳରେ ସାପ କାମୁଡାରେ ୪ ଦିନରେ ଦୁଇ ଜଣଙ୍କ ଜୀବନ ଗଲାଣି ।
ସୂଚନାଯୋଗ୍ୟ ଯେ, ରବିବାର ବିଳମ୍ବିତ ରାତିରେ ଶୋଇଥିବା ଅବସ୍ଥାରେ ଦୁଇ ଜଣଙ୍କୁ ଚିତି ସାପ କାମୁଡି ଦେଇଥିଲା । ଜଣଙ୍କର ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ଅବସ୍ଥାରେ କଟକ ବଡ ମେଡିକାଲରେ ଭର୍ତ୍ତି କରାଯାଇଛି । ମୃତକ ହେଲେ ଦୋବଲାପାଳ ଗାଁର ଚୁମକି ମହାକୁଡ଼ ଓ ଗୁରୁତର ହେଲେ ଦୁଲ୍ଲଭପୁର ଗାଁର ରିମା ପରିଡା ।
ସେହିପରି ଗତ ଶନିବାର ଦିନ ସୁନ୍ଦରିଆ ଗାଁର ଶ୍ରୀକାନ୍ତ ନାୟକଙ୍କର ସାପ କାମୁଡାରେ ମୃତ୍ୟୁ ହୋଇଥିଲା ।
