ନୂଆଦିଲ୍ଲୀ ୩୧/୧୨: ଡିସେମ୍ବର ୨୭ ରେ ବଲିଉଡ ଅଭିନେତା ସଲମାନ ଖାନ ତାଙ୍କର ୫୬ ତମ ଜନ୍ମଦିନ ପାଳନ କରିଥିଲେ। ସେ ତାଙ୍କର ଘନିଷ୍ଠ ବନ୍ଧୁ ଏବଂ ପରିବାର ସହିତ ଏହି ବିଶେଷ ଦିନ ପାଳନ କରିଥିଲେ। ସଲମାନ ତାଙ୍କ ପାନଭେଲ ଫାର୍ମହାଉସରେ ଏକ ଜନ୍ମଦିନ ଭୋଜି ଆୟୋଜନ କରିଥିଲେ ଯେଉଁଥିରେ ବି ଟାଉନର ବହୁ ସେଲିବ୍ରେଟ୍ ଯୋଗ ଦେଇଥିଲେ। ଏହି ଅବସରେ ସଲମାନ ଅନେକ ମୂଲ୍ୟବାନ ଉପହାର ମଧ୍ୟ ପାଇଥିଲେ।
ସୂଚନା ଅନୁଯାୟୀ, ସଲମାନଙ୍କୁ ତାଙ୍କ ବାପା-ମା ୧୨ ରୁ ୧୩ କୋଟି ଟଙ୍କା ମୂଲ୍ୟର ଜୁହୁରେ ଏକ ଆପାର୍ଟମେଣ୍ଟ ଉପହାର ଦେଇଥିଲେ। ଅନ୍ୟପକ୍ଷରେ, ଭାଇ ଅରବାଜ ଖାନ ଏବଂ ସୋହେଲ ଖାନ ୨୩-୨୫ ଲକ୍ଷ ଟଙ୍କା ମୂଲ୍ୟର BMW S 1000 RR ଏବଂ ୨-୩ କୋଟି ଟଙ୍କା ମୂଲ୍ୟର ଏକ ଅଡି RS Q8 ଦେଇଥିଲେ। ଭଉଣୀ ଅର୍ପିତା ତାଙ୍କୁ ୧୭-୧୭ ଲକ୍ଷ ଟଙ୍କା ମୂଲ୍ୟର ଏକ ରୋଲକ୍ସ ଘଣ୍ଟା ଏବଂ ଭେଣୋଇ ଆୟୁଷ ଶର୍ମା ୭୫,୦୦୦ ଟଙ୍କା ମୂଲ୍ୟର ଏକ ସୁନା ଚେନ୍ ଉପହାର ଦେଇଥିଲେ।
ଅନ୍ୟପକ୍ଷରେ, ସଲମାନଙ୍କ ବନ୍ଧୁ କ୍ୟାଟ୍ରିନା କୈଫ ତାଙ୍କୁ ୨ ରୁ ୩ ଲକ୍ଷ ଟଙ୍କା ମୂଲ୍ୟର ଏକ ସୁନା ବ୍ରେସଲେଟ୍ ଉପହାର ଦେଇଥିଲେ। ଜ୍ୟାକଲିନ୍ ଫର୍ଣ୍ଣାଣ୍ଡିଜ୍ ୧୨ ଲକ୍ଷ ଟଙ୍କାର ଏକ ଚୋପାର୍ଡ ବ୍ରାଣ୍ଡ ଘଣ୍ଟା ଏବଂ ଶିଳ୍ପା ଶେଟ୍ଟି ପ୍ରାୟ ୧୭ ଲକ୍ଷ ଟଙ୍କା ମୂଲ୍ୟର ଏକ ହୀରା ବ୍ରେସଲେଟ୍ ଉପହାର ଦେଇଥିଲେ। ସେହିପରି ସଞ୍ଜୟ ଦତ୍ତ ସଲମାନଙ୍କୁ ୭-୮ ଲକ୍ଷ ଟଙ୍କା ମୂଲ୍ୟର ଏକ ହୀରା ବ୍ରେସଲେଟ୍ ଏବଂ ଅନିଲ କପୁର ୨୯ ଲକ୍ଷ ଟଙ୍କା ମୂଲ୍ୟର ଏକ ଲେଦର ଜ୍ୟାକେଟ୍ ଉପହାର ଦେଇଥିଲେ।
