ନୂଆଦିଲ୍ଲୀ: ବିଶ୍ୱର ପ୍ରଥମ କ୍ଲିନିକାଲି ପ୍ରମାଣିତ ନାସାଲ କୋଭିଡ୍ ଭ୍ୟାକ୍ସିନର ଚିକିତ୍ସାଳୟ(କ୍ଲିନିକାଲି ଟ୍ରାଏଲ୍)ରେ ପରୀକ୍ଷଣ ଶେଷ ହୋଇଛି। ଏନେଇ ସୂଚନା ଦେଇଛନ୍ତି ଭାରତୀୟ ବାୟୋଟେକ୍ ଡା. କ୍ରିଷ୍ଣା ଇଲ୍ଲା ସୂଚନା ଦେଇଛନ୍ତି। ସେ କହିଛନ୍ତି ” ତଥ୍ୟ ବିଶ୍ଳେଷଣ ଜାରି ରହିଛି। ସରିଲା ପରେ ଆମ ସବୁ ତଥ୍ୟ ପରିଚାଳକ ସଂସ୍ଥାନ(ରେଗୁଲେଟୋରୀ ଏଜେନ୍ସି)କୁ ଦେବୁ। ଯଦି ସବୁକିଛି ଠିକ୍ଠାକ୍ ରହିବ ତେବେ ନାସାଲ ଭ୍ୟାକ୍ସିନକୁ ଲଞ୍ଚ କରିବାକୁ ଆମକୁ ଅନୁମତି ମିଳିବ ଓ ଏହା ବିଶ୍ୱରେ ପ୍ରଥମ ନାସାଲ କୋଭିଡ୍ ଭ୍ୟାକ୍ସିନ ହେବ।”
ଭାରତୀୟ ଔଷଧ ମହାନିୟନ୍ତ୍ରକ (ଡିସିଜିଆଇ)ର ସବ୍ଜେକ୍ଟ ଏକ୍ସପର୍ଟ କମିଟି(ଏସ୍ଇସି) ଭାରତ ବାୟୋଟେକ୍ର ଇଣ୍ଟ୍ରାନାସାଲ ଭ୍ୟାକ୍ସିନକୁ ତୃତୀୟ ପର୍ଯ୍ୟାୟ ବୁଷ୍ଟର ଡୋଜ୍ ପରୀକ୍ଷଣ ପାଇଁ ସୈଦ୍ଧାନ୍ତିକ ଅନୁମତି ଦେଇଥିଲା। ପ୍ରଥମ ଥର ପାଇଁ ଭାରତରେ ଏଭଳି ଭ୍ୟାକ୍ସିନକୁ ଅନୁମତି ମିଳିଥିଲା। ଅନୁମତି ମିଳିବାର କକିଛି ସପ୍ତାହ ପୂର୍ବରୁ ଭ୍ୟାକ୍ସିନ ପ୍ରୋଟକଲ ସବମିଟ କରିବାକୁ ଡିଜିସିଆଇ କମ୍ପାନୀକୁ କହିଥିଲା।
ସୂଚନା ଥାଉକି, ଭାରତରେ ବର୍ତ୍ତମାନ କୋଭିଶିଲ୍ଡ, କୋଭାକ୍ସିନ, ସ୍ପୁଟନିକ ଭି ଟିକାକୁ ଟିକାକରଣ ପାଇଁ ଅନୁମିତ ମିଳିଛି। ପରୀକ୍ଷିତ ଏହି ନାସାଲ ସ୍ପ୍ରେ ସଂକ୍ରମିତ ସ୍ଥାନରେ ରୋଗପ୍ରତିରୋଧକ ଶକ୍ତି ବୃଦ୍ଧି କରେ। ଯଦି ଏହାକୁ ଅନୁମତି ମିଳିଲା ତେବେ ଟିକା ସହ ନାସାଲ ସ୍ପ୍ରେ ବି ବ୍ୟବହାର କରିହେବ।
