ଚଣ୍ଡିଖୋଲ ୧୬।୧୨: ରାଜ୍ୟରେ ମୁଖ୍ୟମନ୍ତ୍ରୀ କଳାକାର ଯୋଜନା ମାଧ୍ୟମରେ ୫୦ ହଜାର କଳାକାର ଉପକୃତ ହେଉଛନ୍ତି । ତଥାପି ବହୁ କଳାକାର ଏହି ଯୋଜନାରୁ ବଞ୍ଚିତ ରହିଛନ୍ତି । ଏଣୁ ରାଜ୍ୟର ସମସ୍ତ ଜିଲ୍ଲାରେ କଳାକାରମାନଙ୍କୁ ଏକାଠି କରାଯାଉଛି । କଟକ, ଫୁଲବାଣୀ ଜିଲ୍ଲା ପରେ ଗୁରୁବାର ଯାଜପୁରରେ କଳାକାର ସମାବେଶ ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଯାଜପୁର ଜିଲ୍ଲା ଜାରକାଠାରେ ରାଜ୍ୟ ସଂସ୍କୃତି ଓ କଳା ପରିଷଦ ପକ୍ଷରୁ ଜିଲ୍ଲାସ୍ତରୀୟ କଳାକାର ସମାବେଶ ପାଇଁ ଅନୁଷ୍ଠିତ ହୋଇଛି ।
ଏହି ପ୍ରସ୍ତୁତି ବୈଠକ ଉତ୍ସବକୁ ଧର୍ମଶାଳା ବିଧାୟକ ପ୍ରଣବ କୁମାର ବଳବନ୍ତରାୟ ପ୍ରଦୀପ ପ୍ରଜ୍ବ୍ବଳନ କରି ଉଦଘାଟନ କରିଥିଲେ । ମୁଖ୍ୟବକ୍ତା ଭାବେ କଟକ ଚୌଦ୍ବାରର ପୂର୍ବତନ ବିଧାୟକ ପ୍ରଭାତ ବିଶ୍ବାଳ ଯୋଗଦେଇ କଳାକାରଙ୍କ ସମସ୍ୟା ସମାଧାନ ଲାଗି ସରକାରଙ୍କ ଦୃଷ୍ଟି ଆକର୍ଷଣ କରାଯିବା ସହ ପ୍ରତ୍ୟେକ ଜିଲ୍ଲାରେ କଳାକାର ସମାବେଶ ପାଇଁ ପ୍ରସ୍ତୁତି ଚାଲିଛି । ଏହି ବୈଠକରେ ଜିଲ୍ଲାର ୧୦ଟି ଯାକ ବ୍ଲକରୁ ବହୁ କଳାକାର ଯୋଗଦେଇଥିବା ବେଳେ କଳା, ସଂସ୍କୃତି ଓ ପରମ୍ପରାକୁ ବଂଚାଇବାକୁ କଳାକାର ଉଦ୍ୟମ ଜାରି ରହିବ ବୋଲି ବୈଠକରେ ମତ ପ୍ରକାଶ ପାଇଛି ।
