ଭୁବନେଶ୍ୱର ୨୭।୦୬: ଶେଷ ହେଲା ବରମୁଣ୍ଡା ପ୍ରିମିୟର ଲିଗ୍ର ୨ୟ ସିଜିନ୍। ବରମୁଣ୍ଡା ବୁଲ୍ସ ବରମୁଣ୍ଡା ପ୍ରିମିୟର ଲିଗ୍ର ଏହି ସଂସ୍କରଣରେ ଚାମ୍ପିଅନ୍ ହୋଇଛି । ପୁରସ୍କାର ସ୍ୱରୂପ ଚାମ୍ପିଅନ୍ ଟିମ୍କୁ ଟ୍ରଫି ସହ ୧୫ ହଜାର ଟଙ୍କା ପ୍ରଦାନ କରାଯାଇଥିବା ବେଳେ ରନ୍ର୍ସ ଅପ୍ ଟିମକୁ ୧୦ ହଜାର ଟଙ୍କା ସହ ଟ୍ରଫି ପ୍ରଦାନ କରାଯାଇଛି ।
ନୀଳକଣ୍ଠେଶ୍ୱର କ୍ରିକେଟ୍ ଆସୋସିଏସନ୍ ପକ୍ଷରୁ ଟୁର୍ଣ୍ଣାମେଣ୍ଟର ଆୟୋଜନ କରାଯାଇଥିଲା । ଗତ ୨୫ ତାରିଖରୁ ଆରମ୍ଭ ହୋଇଥିଲା ଏହି ଦିବାରାତ୍ର ଟୁର୍ଣ୍ଣାମେଣ୍ଟ । ୨ ଦିନ ଧରି ଚାଲିଥିବା ଏହି ଟୁର୍ଣ୍ଣାମେଣ୍ଟରେ ମୋଟ ୫ଟି ଟିମ୍ ଭାଗ ନେଇଥିଲେ । ୨୬ ତାରିଖ ଦିନ ଉଦ୍ଯାପନୀ ଉତ୍ସବ ତଥା ଫାଇନାଲ ମୁକାବିଲାରେ ଭୁବନେଶ୍ୱର ମହାନଗର ନିଗମ ୫୦ ନମ୍ବର ଓ୍ୱାର୍ଡର କର୍ପୋରେଟର ରାମଚନ୍ଦ୍ର ରଣସିଂହ ସମ୍ମାନିଥି ଅତିଥି ଭାବେ ଯୋଗ ଦେଇଥିବା ବେଳେ ମୁଖ୍ୟ ଅତିଥି ଭାବେ ଇଂ.ବାଦଲ କୁମାର ମହାନ୍ତି ଯୋଗଦେଇଥିଲେ ।
ବରମୁଣ୍ଡା ପ୍ରିମିୟର ଲିଗ୍ ଫାଇନାଲ ମୁକାବିଲାରେ ବରମୁଣ୍ଡା ବୁଲ୍ସ ଟିମ୍ ବିଜୟୀ ହୋଇଥିଲା । ବରମୁଣ୍ଡା ବୁଲ୍ସ ଚମ୍ପିଆନ୍ ହେବା ସହ ଟିମକୁ ୧୫ ହଜାର ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଥିଲା । ଏହାସହ ରନର୍ସ ଅପ୍ ଟିମ୍ ୧୦ ହଜାର ଟଙ୍କାର ପୁରସ୍କାର ରାଶି ସହ ଟ୍ରଫି ପାଇଥିଲା ।
