ନୂଆଦିଲ୍ଲୀ, ୦୭/୦୨: କମୁଛି କରୋନାର ପ୍ରକୋପ । ଅତିଶୀଘର ଦୂର ହୋଇଯିବ କୋଭିଡ-୧୯ ଭାଇରସ ସଙ୍କଟ । କରୋନା ଏବେ ଶେଷ ହେବାକୁ ଯାଉଛି । ଏନେଇ ସୂଚନା ଦେଇଛି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ । ହୁ ୟୁରୋପ କାର୍ଯ୍ୟାଳୟର ନିର୍ଦ୍ଦେଶକ ଡ. ହନସ୍ କ୍ଲୁଜ୍ ଏନେଇ ତଥ୍ୟ ଦେଇଛନ୍ତି ।
ସେ କହିଛନ୍ତି ଯେ, ୟୁରୋପୀୟ ଦେଶରେ ଏବେ କରୋନା ବିରୋଧରେ ନିର୍ଣ୍ଣାୟକ ଲଢେଇ ଚାଲିଛି । ଭାଇରାସ ଦ୍ୱାରା ମୃତକଙ୍କ ସଂଖ୍ୟା ବି କମିବାରେ ଲାଗିଛି । ଆଉ କିଛି ଦିନ ପରେ ୟୁରୋପ ମହାମାରୀ ବିପକ୍ଷରେ ବିଜୟ ହାସଲ କରିବ । ଯଦି ସବୁ ପଦକ୍ଷେପ ନିଆଯାଏ ତେବେ ମହାମାରୀର ଅନ୍ତ ଘଟିବ ।
କ୍ଲଜ୍ କହିଛନ୍ତି ଯେ, ଭାକସିନ୍ କାରଣରୁ ଅନେକ ସଂକ୍ରମିତ ହେବା ପରେ ସେମାନଙ୍କ ଠାରେ ଅଧିକ ରୋଗପ୍ରତିରୋଧକ ଶକ୍ତି ସୃଷ୍ଟି ହୋଇଛି । ଖରା ଦିନେ ଭାଇରସର ସଂକ୍ରମଣ କ୍ଷମତା ହ୍ରାସ ପାଇଛି । ଓମିକ୍ରନ୍ କାରଣରୁ ଲୋକେ କମ୍ ଗୁରୁତର ହେଉଛନ୍ତି । ଏବେ ୟୁରୋପରେ ଥଣ୍ଡା କମିବାରେ ଲାଗିଛି । ଧିରେଧିରେ ଗରମ ଆରମ୍ଭ ହୋଇଯିବ । କିଛି ମାସରେ ସେମାନଙ୍କୁ ମହାମାରୀରୁ ବ୍ରେକ୍ ମିଳିଯିବ ବୋଲି ସେ କହିଛନ୍ତି ।
ସୂଚନାଯୋଗ୍ୟ, ୟୁରୋପ ମହାଦେଶର ଅନେକ ଦେଶ କରୋନା କଟକଣାକୁ ହଟାଇ ଦେଇଛନ୍ତି । ଗତ ସପ୍ତାହରେ ଇଂଲଣ୍ଡରେ ସମସ୍ତ ପ୍ରତିବନ୍ଧକ ହଟାଇ ଦିଆଯାଇଥିଲା । ଏବେ ବ୍ରିଟେନରେ କେଉଁ ଆଡେ ଯିବାକୁ ହେଲେ ଟିକା ସାର୍ଟିଫିକେଟର ଆବଶ୍ୟକତା ମଧ୍ୟ ନାହିଁ ।
