କରଞ୍ଜିଆ ୧୦/୦୫: ଶିମିଳିପାଳ ଅଭୟାରଣ୍ୟ ମଧ୍ୟରୁ ଦୁଇ ଶିକାରୀ ଗିରଫ । ଗିରଫ କରି କୋର୍ଟ ଚାଲାଣ କରିଛି ବନବିଭାଗ । ଏପରି ଘଟଣା ସାମ୍ନାକୁ ଆସିଛି ମୟୂରଭଞ୍ଜ ଜିଲ୍ଲାର ଉତ୍ତର ଶିମିଳିପାଳ ବନ୍ୟପ୍ରାଣୀ ବନଖଣ୍ଡ ଅନ୍ତର୍ଗତ କେନ୍ଦୁମୁଣ୍ଡି ରେଞ୍ଜ ଅଞ୍ଚଳରୁ ।
ଗତକାଲି ସନ୍ଧ୍ୟା ସମୟରେ ପେଟ୍ରୋଲିଂ କରୁଥିବା ବେଳେ ଶିମିଳିପାଳ ଅଭୟାରଣ୍ୟର ଏଦେଲବେଡା ଏବଂ କାଶୀବେଡାର ୨ ଜଣ ଶିକାରୀଙ୍କୁ ଗିରଫ କରିବାରେ ସଫଳ ହୋଇଛି ବନବିଭାଗ । ଗିରଫ ଦୁଈ ଜଣ ଶିକାରୀ ହେଲେ ଲଛମନ କାଣ୍ଡେୟାନ ଏବଂ ସମା ମୁଣ୍ଡୁରୀ । ତାଙ୍କ ପାଖରୁ ଶିକାର ପାଇଁ ଉଦ୍ଧିଷ୍ଟ ଫାସ, ଧନୁତୀର, ତାର ଏବଂ ଦୁଇଟି ସମ୍ବର ସିଙ୍ଘ ଜବତ କରିବା ସହିତ କିଛି ମାଂସ ମଧ୍ୟ ଜବତ କରିଥିଲା ବନବିଭାଗ ।
ତେବେ ଏଥିରେ ଆଉ କିଏ କିଏ ସାମିଲ ଅଛନ୍ତି ଏ ନେଉ ଅଧିକ ତଦନ୍ତ କରିବା ସହ ଗିରଫ ଦୁଇଜଣଙ୍କୁ ଗତକାଲି ବିଳମ୍ବିତ ରାତିରେ କୋର୍ଟ ଚାଲାଣ କରାଯାଇଛି ବୋଲି ବନବିଭାଗ ସୂଚନା ଦେଇଛି ।
