ପୂଜା-ପାଠରେ ବିଭିନ୍ନ ପ୍ରକାରର ସାମଗ୍ରୀ ଭଗବାନଙ୍କୁ ଚଢ଼ାଯାଇଥାଏ। ସମସ୍ତ ଦେବୀ-ଦେବତାଙ୍କ ପୂଜା ସାମଗ୍ରୀରେ ଭିନ୍ନ ଭିନ୍ନ ଜିନିଷର ବିଶେଷ ମହତ୍ତ୍ବ ରହିଥାଏ। ଶିବ ପୂଜାରେ ଖାସ୍ କରି ବେଲ ପତ୍ର ସାମିଲ କରାଯାଇଥାଏ। ବେଲ ଗଛ ଘର ବାହାରେ କିମ୍ବା ଆଖପାଖରେ ରହିଲେ ବାସ୍ତୁ ଦୋଷ ଦୂର ହୋଇ ଯାଇଥାଏ। ଆୟୁର୍ବେଦରେ ଏହି ବୃକ୍ଷର ମହତ୍ତ୍ବ କୁହାଯାଇଛି। ଜାଣନ୍ତୁ ବେଲ ପତ୍ର ସହ ଜଡ଼ିତ କେତେକ ଖାସ୍ କଥା…
ଶିବଲିଙ୍ଗରେ ଚଢ଼ାଯାଉଥିବା ବେଲ ପତ୍ର ଅନେକ ଦିନ ଯାଏଁ ବାସି ହୁଏ ନାହିଁ। ଗୋଟିଏ ବେଲ ପତ୍ରକୁ ବାରମ୍ବାର ଧୋଇ ପୂଜା କରାଯାଇପାରିବ। ଏବେ ଦେଶ ସାରା କରୋନା ଭାଇରସ୍ ଯୋଗୁଁ ଲକଡାଉନ୍ ଚାଲିଛି,ଏପରି ସ୍ଥିତିରେ ପ୍ରତିଦିନ ତାଜା ବେଲ ପତ୍ର ମିଳିବା କଷ୍ଟକର। ତେଣୁ ଏପରି ପରିସ୍ଥିତିରେ ବେଲ ପତ୍ର ଅନେକ ଦିନ ଯାଏଁ ବ୍ୟବହାର କରି ପାରିବେ।
ଧ୍ୟାନ ରଖନ୍ତୁ ଅଷ୍ଟମୀ,ଚତୁର୍ଦ୍ଦଶୀ,ଅମାବାସ୍ୟା ଏବଂ ରବିବାର ବେଲ ପତ୍ର ତୋଳିବା ଅନୁଚିତ୍। ଏହି ବର୍ଜିତ ତିଥିରେ ବେଲ ପତ୍ର ବଜାରରୁ କିଣି ଶିବଙ୍କୁ ଚଢ଼ାଇ ପାରିବେ। ଯଦି ଏହି ତିଥିରେ ବେଲ ପତ୍ର ନ ମିଳେ ତେବେ ପୁରୁଣା ପତ୍ର ଉପଯୋଗ କରି ପାରିବେ।
ଶିବପୁରାଣରେ ବେଲ ଗଛକୁ ଶିବଙ୍କ ସ୍ବରୂପ ବୋଲି କୁହାଯାଇଛି। ଏହାକୁ ଶ୍ରୀବୃକ୍ଷ ମଧ୍ୟ କୁହାଯାଇଛି। ଶ୍ରୀ ଦେବୀ ଲକ୍ଷ୍ମୀଙ୍କ ଏକ ନାଁ। ଏହି କାରଣରୁ ବେଲ ପତ୍ର ପୂଜା କଲେ ଲକ୍ଷ୍ମୀଙ୍କ କୃପା ମିଳିଥାଏ। ଏହି ଗଛର ମୂଳରେ ଗିରିଜା,ଗଣ୍ଡିରେ ମହେଶ୍ବରୀ,ଶାଖାରେ ଦକ୍ଷାୟନୀ,ପତ୍ରରେ ପାର୍ବତୀ,ଫୁଲରେ ଗୌରୀ ଏବଂ ଫଳରେ ଦେବୀ କାତ୍ୟାୟନୀ ବାସ କରିଥାନ୍ତି। ଏହି କାରଣରୁ ଏହି ଗଛର ପୌରାଣିକ ମହତ୍ତ୍ବ ଅତ୍ୟନ୍ତ ଅଧିକ।
ବେଲ ଗଛ ଯୋଗୁଁ ଘରେ ସକରାତ୍ମକତା ବଜାୟ ରହିଥାଏ। ବେଲ ଗଛ ଘରର ଉତ୍ତର-ପଶ୍ଚିମ କୋଣରେ ଲଗାଇବା ଶୁଭ ହୋଇଥାଏ। ଯଦି ଉତ୍ତର-ପଶ୍ଚିମ ଦିଗରେ ଲଗାଇବା ସମ୍ଭବ ନ ହେବ ତେବେ ଏହାକୁ ଘରର ଉତ୍ତର ଦିଗରେ ଲଗା ଯାଇପାରିବ।
Trending
- ପ୍ରକାଶ ପାଇଲା ୟୁପିଏସସି ଆଇଏଏସ୍ ପରୀକ୍ଷା ୨୦୨୩ ଫଳ: ଆଦିତ୍ୟ ଶ୍ରୀବାସ୍ତବ ଟପ୍ପର, ଓଡ଼ିଶାର ଅନିମେଶ ପ୍ରଧାନ ଦ୍ବିତୀୟ ସ୍ଥାନରେ
- ରାସ୍ତା ପାର୍ଶ୍ଵରେ ଛିଡ଼ା ହୋଇଥିବା ବେଳେ ଚଢ଼ିଗଲା ଟ୍ରକ: ୨ ମୃତ, ଜଣେ ଗୁରୁତର
- ସିଡ୍ନୀ ଚର୍ଚ୍ଚରେ ଛୁରାମାଡ଼, ବିଶପ ଆହତ
- ଇରାନକୁ ଉଚିତ ସମୟରେ ଜବାବ ଦିଆଯିବ: ଇସ୍ରାଏଲ
- ପ୍ରଧାନ ବିଚାରପତିଙ୍କୁ ୨୧ ପୂର୍ବ ବିଚାରପତିଙ୍କ ଚିଠି
- ୨୨ ବର୍ଷରେ ଭାରତରେ ୨୩ ଲକ୍ଷ ହେକ୍ଟର ଜଙ୍ଗଲ ଧ୍ବଂସ
- କେଜ୍ରିୱାଲଙ୍କୁ ସୁପ୍ରିମକୋର୍ଟରୁ ମିଳିଲାନି ଆଶ୍ବସ୍ତି: ଆଗୁଆ ଶୁଣାଣି ପାଇଁ ମନାକଲେ
- ନିର୍ବାଚନୀ ବଣ୍ଡ୍ ରଦ୍ଦ: ‘ଦିନେ ସମସ୍ତେ ଅନୁତାପ କରିବେ’
Thursday, April 25