ପୁରୀ ୧୩/୭: ଶରଧାବାଲିରେ ୩ ରଥ । ଭାଇ ଭଉଣୀଙ୍କୁ ସାଙ୍ଗରେ ଧରି ରଥାରୁଢ ହୋଇଛନ୍ତି କାଳିଆ ଠାକୁର । ଅପରାହ୍ଣରେ ତିନି ଠାକୁର ଆଡପ ମଣ୍ଡପକୁ ବିଜେ କରିବେ । ଶ୍ରୀଗୁଣ୍ଡିଚା ମନ୍ଦିରସ୍ଥିତ ଜନ୍ମବେଦିକୁ ଶ୍ରୀବିଗ୍ରହଙ୍କ ପହଣ୍ଡି ବିଜେ ଆରମ୍ଭ ହେବ। ଶ୍ରୀଗୁଣ୍ଡିଚା ମନ୍ଦିରରେ ମହାପ୍ରଭୁଙ୍କ ଅବସ୍ଥାନ କାଳରେ ଭକ୍ତମାନେ ଶ୍ରୀଗୁଣ୍ଡିଚା ମନ୍ଦିର ଯାଇପାରିବେ ନାହିଁ। କୋଭିଡ କଟକଣା ମଧ୍ୟରେ ଗତକାଲି ସଂଧ୍ୟା ପୂର୍ବରୁ ଶେଷ ହୋଇଥିଲା ରଥଟଣା । ତେବେ ରଥାରୁଢ଼ ଶ୍ରୀଜୀଉଙ୍କ ଦର୍ଶନ ଉପରେ କଟକଣା ଲାଗିଛି ।
କରୋନା କଟକଣା ଯୋଗୁଁ ବିନା ଭକ୍ତରେ ଅନୁଷ୍ଠିତ ହୋଇଛି ଏହି ବିଶ୍ୱପ୍ରସିଦ୍ଧ ରଥଯାତ୍ରା । ଗତବର୍ଷ ଭଳି ଚଳିତ ବର୍ଷ ମଧ୍ୟ କେବଳ ସେବାୟତମାନେ ତିନି ଠାକୁରଙ୍କ ରଥକୁ ଟାଣି ଆଣି ଶରଧାବାଲିରେ ପହଞ୍ଚାଇଥିଲେ। ଆଜି ସମସ୍ତ ନୀତିକାନ୍ତି ପରେ ରଥ ଉପରେ ତିନି ଦିଅଁଙ୍କୁ , ଗୋପାଳ ବଲ୍ଲଭ ବେଶ, ଭୋଗ, ସକାଳ ଧୂପ, ମଇଲମ, କୋରା ଖଇ ଭୋଗ ଲାଗିକରାଯିବ । ମଧ୍ୟାହ୍ନ ଧୂପ ପରେ ଆଡ଼ପ ମଣ୍ଡପକୁ ବିଜେ କରିବେ ଚତୁର୍ଦ୍ଧାମୂର୍ତ୍ତି । ଗୋଟି ପହଣ୍ଡି କରି ଆଡ଼ପ ମଣ୍ଡପକୁ ତିନି ଦିଅଁ ଙ୍କୁ ବିଜେ କରାଯିବ..
