ବଲିଉଡ୍ ଅଭିନେତ୍ରୀ ପ୍ରିୟଙ୍କା ଚୋପ୍ରା ଓ ସ୍ବାମୀ ନିକ୍ ଜୋନ୍ସ ଏଥର ଲଣ୍ଡନରେ ଦୀପାବଳି ପାଳନ କରିଛନ୍ତି। ଏ ସଂପର୍କରେ ପ୍ରିୟଙ୍କା ଇନ୍ଷ୍ଟାଗ୍ରାମ୍ ଆକାଉଣ୍ଟ୍ରେ ଏକ ଫଟୋ ସେୟାର କରିବା ସହ ପ୍ରଶଂସକଙ୍କୁ ଦୀପାବଳିର ଅଭିନନ୍ଦନ ବାର୍ତା ଦେଇଛନ୍ତି। ଫଟୋରେ ପ୍ରିୟଙ୍କା ଶାଢ଼ି ସହିତ କାନଫୁଲ, ଚୁଡ଼ି ପିନ୍ଧି ହାତରେ ଦୀପ ଧରି ନିକ୍ଙ୍କ ସହ ଛିଡ଼ା ହୋଇଛନ୍ତି। ନିକ୍ ଏକ କଳା ଟିସାର୍ଟ ପିନ୍ଧିଥିବା ନଜରରେ ଆସିଛନ୍ତି। ଉଭୟଙ୍କ ଡ୍ରେସ୍-ଅପ ତାଙ୍କ ଇନ୍ଷ୍ଟା ଫଲୋଅର୍ସଙ୍କୁ ଖୁବ୍ ପସନ୍ଦ ଆସିଥିବା ଫଟୋରେ କମେଣ୍ଟ ଆସିଛି। ତେବେ ଚଳିତ ବର୍ଷ ଡିସେମ୍ବରକୁ ନିକ୍ ଓ ପ୍ରିୟଙ୍କାଙ୍କ ବିବାହକୁ ୨ବର୍ଷ ପୂରିବ। ଆଗାମୀ ଦିନରେ ପ୍ରିୟଙ୍କା ହଲିଉଡ୍ ଫିଲ୍ମର ମେଟ୍ରିକ୍ସ-୪ରେ ନଜର ଆସିବେ।
