ଚାନ୍ଦବାଲି ୧୭।୩: ରୋଷେଇ ଗ୍ୟାସରେ ପୋଡି ନାବାଳକ ଗୁରୁତର ହୋଇଛନ୍ତି । ପ୍ରଥମେ ତାଙ୍କୁ ଚାନ୍ଦବାଲି ମେଡିକାଲରେ ଭର୍ତ୍ତି କରାଯାଇଥିବା ବେଳେ ପରେ ଭଦ୍ରକ ମେଡିକାଲକୁ ସ୍ଥାନାନ୍ତର କରାଯାଇଛି ।
ସୂଚନାଯୋଗ୍ୟ ଯେ, ଚାନ୍ଦବାଲି ଏନଏସି ଅନ୍ତର୍ଗତ ପାଞ୍ଚପଡା ୱାର୍ଡରେ ଯାଜପୁର ଜିଲ୍ଲାର ଜଣେ ୧୭ ବର୍ଷର ନାବାଳକ ରୋଷେଇ ଗ୍ୟାସ୍ ନିଆଁରେ ପୋଡି ଯାଇଛନ୍ତି । ତାଙ୍କ ଶରୀରର ପ୍ରାୟ ୫୦ ଭାଗ ପୋଡିଯାଇଛି । ନାବାଳକ ଜଣଙ୍କ ଯାଜପୁର ଜିଲ୍ଲା କୁଆଖିଆ ବାଲିପାଟଣା ଗାଁର ସୁରେନ୍ଦ୍ର ବାରିକଙ୍କ ପୁଅ ସିପୁନ ବାରିକ ବୋଲି ସୂଚନା ମିଳିଛି । ସିପୁନ ଯାଜପୁର ଜିଲ୍ଲାରୁ ଆସି ପାଞ୍ଚପଡା ୱାର୍ଡରେ ଏକ ଭଡା ଘରେ ରହି ଗାଁ ଗାଁ ବୁଲି ଫେରୀ କରି ଦୋଳି ବିକ୍ରି କରିଥାନ୍ତି । ବୁଧବାର ଗ୍ୟାସରେ ରୋଷେଇ କରୁଥିବା ସମୟରେ ଗ୍ୟାସ୍ ଲିକ୍ ହୋଇ ନିଆଁ ଲାଗିଯାଇଥିଲା । ଫଳରେ ସିପୁନ ପୋଡି ଯାଇଥିବା ସୂଚନା ମିଳିଛି ।
