କୋଲକାତା,୨୨/୦୨: ୱେଷ୍ଟ ଇଣ୍ଡିଜ୍ ବିପକ୍ଷ ଟି-ଟ୍ୱେଣ୍ଟି ସିରିଜ ବିଜୟ ସହ ଭାରତୀୟ କ୍ରିକେଟ୍ ଦଳ ମାନ୍ୟତା ତାଲିକାର ଶୀର୍ଷ ସ୍ଥାନ ଦଖଲ କରିଛି । ୩-୦ରେ ସିରିଜ ମୂଳପୋଛ ହେବା ଫଳରେ ରୋହିତଙ୍କ ନାମରେ ଏକ ରେକର୍ଡ ଯୋଡି ହୋଇ ଯାଇଛି । ବିଶ୍ୱର ତୃତୀୟ ଅଧିନାୟକ ଭାବେ ରୋହିତ ୪ଟି ଟି-ଟ୍ୱେଣ୍ଟି ସିରିଜ ମୂଳପୋଛ କରିଛନ୍ତି ।
ପୂର୍ବରୁ ରୋହିତଙ୍କ ନେତୃତ୍ୱରେ ଭାରତ ୨୦୧୭ରେ ଶ୍ରୀଲଙ୍କା ୨୦୧୮ରେ ୱେଷ୍ଟ ଇଣ୍ଡିଜ୍ ଓ ୨୦୨୧ରେ ନ୍ୟୁଜିଲାଣ୍ଡ ବିପକ୍ଷ ଟି-ଟ୍ୱେଣ୍ଟି ସିରିଜ ମୂଳପୋଛ କରିଥିଲା । ପାକିସ୍ତାନର ସର୍ଫରାଜ ଅହମ୍ମଦ ୫ଟି ଓ ଆଫଗାନିସ୍ତାନର ଅସଗର ଆଫଘାନ ୪ଟି ଲେଖାଏଁ ଟି-ଟ୍ୱେଣ୍ଟି ମୂଳପୋଛ କରିଛନ୍ତି ।
