ଭୁବନେଶ୍ୱର, ୨୫।୮: ରାଜଧାନୀରେ ପୁଣି ଏକ ଆତ୍ମହତ୍ୟା । ଆଉ ଜଣେ ଯୁବତୀଙ୍କ ଝୁଲନ୍ତା ମୃତଦେହ ଉଦ୍ଧାର । ଖରବେଳନଗର ଅଂଚଳରେ ଜଣେ ଯୁବତୀ ଆତ୍ମହତ୍ୟା କରିଥିବା ଜଣାପଡ଼ିଛି । ଆତ୍ମହତ୍ୟାର କାରଣ ଅସ୍ପଷ୍ଟ ରହିଛି । ଆତ୍ମହତ୍ୟା କରିଥିବା ଯୁବତୀଙ୍କ ନାଁ ସସ୍ମିତା ବାରିକ । ଯୁବତୀଙ୍କ ବୟସ ୨୩ ବର୍ଷ । ଘରେ କେହି ନଥିବା ବେଳେ ଆତ୍ମହତ୍ୟା କରିଛନ୍ତି ସସ୍ମିତା ।
ମିଳିଥିବା ସୂଚନା ଅନୁସାରେ ବେକରେ ଓଢଣୀ ଦେଇ ୨୩ ବର୍ଷୀୟ ସସ୍ମିତା ଆତ୍ମହତ୍ୟା କରିଛନ୍ତି । ଖାରବେଳ ନଗର ତାରିଣୀ ବସ୍ତିରେ ପରିବାର ସହ ରାହୁଥିବା ବେଳେ ସସ୍ମିତା ଏକ ଘରୋଇ କମ୍ପାନୀରେ ଚାକିରୀ କରୁଥିବା ଜଣାପଡ଼ିଛି ।
