ଫୁଲବାଣୀ ୨୮/୦୭: କନ୍ଧମାଳ ଜିଲ୍ଲା ରାଇକିଆ ବ୍ଲକର ପାଜୀମାହା ଗ୍ରାମର ହରିଶ ଚନ୍ଦ୍ର ପୋଢ଼ ଗତ କିଛି ଦିନ ତଳେ ନିଜ ପୁଅ ସହ ମିଶି ଭୁବନେଶ୍ୱର ଯାଇଥିଲେ । ଆଉ ଭୁବନେଶ୍ୱରର ସାଲିଆସାହିରେ ରହୁଥିଲେ । କିନ୍ତୁ ଦୁର୍ଭାଗ୍ୟ ବଶତଃ ହରିଶ୍ଚନ୍ଦ୍ର ପୋଢ଼ ଶୁକ୍ରବାର ରାତିରେ ବାହାରକୁ ଆସିଲା ପରେ ଆଉ ଘରକୁ ଫେରି ନଥିଲେ ।
ଅନେକ ସମୟ ପରେ ବି ବାପା ହରିଶ୍ଚନ୍ଦ୍ର ଘରକୁ ନ ଫେରିବାରୂ ପୁଅ ବିଚଳିତ ହୋଇପଡିଥିଲେ । ସେହି ରାତିରୁ ପୁଅ ବାପା ହରିଶଚନ୍ଦ୍ର ପୋଢ଼ଙ୍କୁ ଖୋଜା ଖୋଜି କଲେ କିନ୍ତୁ ପାଇପାରିଲେ ନାହିଁ । ତେଣୁ ଭୁବନେଶ୍ୱର ନୟାପଲି ଥାନାରେ ଗତ ୨୩ ତାରିଖରେ ଦିନ ଏତଲା ଦେଇଥିବା ଜଣାପଡ଼ିଛି । ହେଲେ ଆଜିକୁ ପାଞ୍ଚ ଦିନ ବିତିଯାଇଥିଲେ ସୁଧା ନୟାପଲି ପୋଲିସ କୌଣସି ସନ୍ଧାନ ପାଇନି ।
କୌଣସି ସହୃଦୟ ଵ୍ୟକ୍ତି ଯଦି ଏହି ଵ୍ୟକ୍ତିଙ୍କ ସନ୍ଧାନ ପାଆନ୍ତି କିମ୍ବା ଦେଖନ୍ତି ତାହାହେଲେ, ଦୟାକରି ଏହି ଫୋନ ନମ୍ବର-୮୪୮୦୯୦୦୦୩୫ରେ ଯୋଗାଯୋଗ କରିବାକୁ ପରିବାର ପକ୍ଷରୁ ଅନୁରୋଧ କରାଯାଇଛି ।
