କେନ୍ଦୁଝର ୨୭।୬: ଯୁବତୀଙ୍କ ଝୁଲନ୍ତା ମୃତଦେହ ଉଦ୍ଧାର । କେନ୍ଦୁଝର ଝୁମ୍ପୁରା ଷ୍ଟେଟ୍ ବ୍ୟାଙ୍କ ସମ୍ମୁଖରେ ରହୁଥିବା ଏମ୍ଡି ମନାଫିର ଆଲାମଙ୍କ ବାଡିରୁ ତାଙ୍କ ମୃତଦେହ ଉଦ୍ଧାର ହୋଇଛି । ମୃତ ଯୁବତୀ ଜଣଙ୍କ ତାଙ୍କ ଘରେ କାମ କରୁଥିବା ଜଣାପଡିଛି ।
ସୂଚନାଯୋଗ୍ୟ ଯେ, କେନ୍ଦୁଝର ଝୁମ୍ପୁରା ଷ୍ଟେଟ୍ ବ୍ୟାଙ୍କ ସମ୍ମୁଖରେ ରହୁଥିବା ଏମ୍ଡି ମନାଫିର ଆଲାମଙ୍କ ବାଡିରେ ଥିବା ଏକ ଆମ୍ବ ଗଛରେ ତାଙ୍କ ଘରେ କାମ କରୁଥିବା ଝିଅର ଝୁଲନ୍ତା ମୃତଦେହ ଦେଖିବାକୁ ମିଳିଥିଲା । ମୃତ ଯୁବତୀ ହେଲେ ମୟୂରଭଞ୍ଜ ଜିଲ୍ଲା ଜାମୁନାଳିଆ ଗାଁର ରେଣୁବାଳା ଗିରି । ଯୁବତୀଙ୍କ ଗୋଡ ତଳେ ଲାଗିଥିବା ବେଳେ ଆଣ୍ଠୁ ଦୁଇଟି ତଳେ ଇଟା ରହିଛି । ତେଣୁ ପାରିପାର୍ଶ୍ବିକ ସ୍ଥିତିକୁ ଦେଖିଲେ ଯୁବତୀଙ୍କୁ କେହି ହତ୍ୟା କରି ଏଠାରେ ଝୁଲାଇ ଦେଇଥିବା ଜଣାପଡୁଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି । ତଦନ୍ତ ପରେ ମୃତ୍ୟୁର ପ୍ରକୃତ କାରଣ ଜଣାପଡିବ । ସେପଟେ ମୃତକଙ୍କ ପରିବାର ଲୋକଙ୍କୁ ମଧ୍ୟ ଖବର ଦିଆଯାଇଛି । ସେମାନେ ଆସି ପହଞ୍ଚିବା ପରେ ତାଙ୍କଠାରୁ କିଛି ସୂଚନା ମିଳିପାରେ ।
