ଇନ୍ଦୁପୁର , ୪/୧; କେନ୍ଦ୍ରାପଡ଼ା ବ୍ଲକ୍ ଅନ୍ତର୍ଗତ ଇନ୍ଦୁପୁର ପଲ୍ଲୀମଙ୍ଗଳ ପଡ଼ିଆରେ ଗତକାଲି ସନ୍ଧ୍ୟାରେ ” ପ୍ରୟାସ ” ସ୍ବେଚ୍ଛାସେବୀ ସଂଗଠନର ଚତୁର୍ଥ ବାର୍ଷିକ ଉତ୍ସବ କରୋନା କଟକଣା ମଧ୍ୟରେ ସଂଗଠନର ସଭାପତି ଚନ୍ଦନ କୁମାର ସାହୁଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି । ଉକ୍ତ ଉତ୍ସବରେ ମୁଖ୍ୟ ଅତିଥି ଭାବେ କେନ୍ଦ୍ରାପଡ଼ା ବିଧାୟକ ଶ୍ରୀଯୁକ୍ତ ଶଶିଭୂଷଣ ବେହେରା ଓ ମୁଖ୍ୟ ବକ୍ତା ଭାବେ ଜିଲ୍ଲା ସାମାଜିକ ମଙ୍ଗଳ ଅଧିକାରୀ ଶ୍ରୀ ପ୍ରଭାସ ଚନ୍ଦ୍ର ଦାସ ଯୋଗ ଦେଇ ପ୍ରୟାସ ର ନିରବଚ୍ଛିନ୍ନ ସେବା ପ୍ରଦାନ କୁ ଭୂଇୟସି ପ୍ରଶଂସା କରିଥିଲେ। ସମ୍ମାନିତ ଅତିଥି ଭାବେ କଟକରୁ ଶିକ୍ଷାବିତ୍ ସଞ୍ଜୀବ କୁମାର ମହାନ୍ତି , ଶିକ୍ଷକ ନେତା ପ୍ରଣବ କୁମାର ଜେନା , ବିଜୁ ଜନତା ଦଳର କେନ୍ଦ୍ରାପଡ଼ା ବ୍ଲକ୍ ସଭାପତି ଆଲୋକ ସାହୁ ଯୋଗ ଦେଇଥିଲେ। ସଂଗଠନ ପକ୍ଷରୁ ଗତ ଡିସେମ୍ବର ମାସରେ ହୋଇଥିବା ବିଭିନ୍ନ ପ୍ରତିଯୋଗିତା ରେ କୃତ କାର୍ଯ୍ୟ ହୋଇଥିବା ଛାତ୍ରୀଛାତ୍ରୀଙ୍କୁ ପୁରସ୍କାର ପ୍ରଦାନ କରାଯିବ ସହିତ “ପ୍ରୟାସ ପ୍ରତିଭା” ଭାବେ ୬ ଜଣ ଲୋକପ୍ରିୟ ବ୍ୟକ୍ତିଙ୍କୁ ସମ୍ଭର୍ଦ୍ଧନା , ଓ ସ୍ଥାନୀୟ ଅଞ୍ଚଳରେ କରୋନା ଟୀକାଦାନ କେନ୍ଦ୍ରରେ ନିୟୋଜିତ ଥିବା ୫ଜଣ କର୍ମକର୍ତ୍ତା ଙ୍କୁ “କରୋନ ସମ୍ମାନ ” ପ୍ରଦାନ କରାଯାଇଥିଲା। ଶ୍ରୀ ଚିତ୍ତ ରଞ୍ଜନ ପଣ୍ଡାଙ୍କୁ “ଶ୍ରେଷ୍ଠ ସମାଜସେବୀ” , ରଘୁନାଥ ସାହୁଙ୍କୁ “କର୍ମବୀର ” , ଗୋମିତ୍ର ବଳରାମ ମଳିକଙ୍କୁ ” ଶ୍ରେଷ୍ଠ ସେବକ ” , ଗୌରବ ଚୌଧୁରୀଙ୍କୁ ” ଶ୍ରେଷ୍ଠ କ୍ରୀଡାବିତ ” , ଆକାଶ ଚନ୍ଦ୍ର ନାୟକଙ୍କୁ ” ଯୁବ କ୍ରୀଡାବିତ୍” ଓ ଦେବସ୍ମିତା ଜେନାଙ୍କୁ ” ନାରୀ ଶକ୍ତି ” ସମ୍ମାନରେ ସମ୍ମାନୀତ କରାଯାଇଥିଲା। ସୁଚିତ୍ରା ଭୋଇ , ମନୋରଞ୍ଜନ ମଣ୍ଡଳ, ସିଦ୍ଧାର୍ଥ ଶଙ୍କର ଜେନା , ରଞ୍ଜିତା ପଣ୍ଡା ଓ ବାସୁଦେବ ମଳିକଙ୍କୁ ” କରୋନା ଯୋଦ୍ଧା ” ପୁରସ୍କାର ପ୍ରଦାନ କରାଯାଇଥିଲା। ଶିକ୍ଷାବିତ୍ ଚିର ରଞ୍ଜନ ରାଉତ ” ବାର୍ଷିକ ବିବରଣୀ ” ପାଠ କରିଥିବାବେଳେ , ସଂଗଠନର ପକ୍ଷରୁ ସମ୍ମୁହ ଧନ୍ୟବାଦ୍ ଅର୍ପଣ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ସଂଗଠନର ଏକାଧିକ ସଦସ୍ୟ , ସଦସ୍ୟା ଉପସ୍ଥିତ ଥିଲେ।ପରେପରେ ପାୟଲ ମିୟୂଜିକ୍ ସ୍କୁଲର କଳାକାର ମାନଙ୍କ ଦ୍ବାରା ସଙ୍ଗୀତ ଓ ଦେଶାତ୍ମକ ନୃତ୍ୟ ପରିବେଶ କରାଯାଇଥିଲା। କେନ୍ଦ୍ରାପଡ଼ା ରୁ କରୁଣାକର
