ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ମିଳିତ ବିରୋଧୀ ମେଣ୍ଟକୁ କଡ଼ା ସମାଲୋଚନା କରିଛନ୍ତି। ମୋଦୀ କହିଛନ୍ତି, ବେଙ୍ଗାଲୁରୁରେ ଆଜି ଦୁର୍ନୀତିଗ୍ରସ୍ତମାନଙ୍କର ବୈଠକ ହୋଇଛି। ଆଣ୍ଡାମାନ ନିକୋବରରେ ପୋର୍ଟ ବ୍ଲେୟାର ବିମାନବନ୍ଦରର ଏନଆଇଟିବି ( ନ୍ୟୁ ଇଣ୍ଟିଗ୍ରେଟେଡ୍ ଟର୍ମିନାଲ ବିଲ୍ଡିଂ)କୁ ଭର୍ଚୁଆଲ ଭାବେ ଉଦ୍ଘାଟନ କରି ପ୍ରଧାନମନ୍ତ୍ରୀ କହିଛନ୍ତି, ବିରୋଧୀ ଦଳ ନେତାମାନେ କେବଳ ବ୍ୟକ୍ତିଗତ ଫାଇଦାରେ ଆଗ୍ରହୀ । ସେମାନଙ୍କ ମନ୍ତ୍ର ହେଉଛି -‘ ପରିବାରର, ପରିବାର ଦ୍ବାରା ଏବଂ ପରିବାର ପାଇଁ’। ନିଜ ନିଜ ମଧ୍ୟରେ ଦୁର୍ନୀତିଗ୍ରସ୍ତଙ୍କୁ ସୁରକ୍ଷା ଦେବାପାଇଁ ବିରୋଧୀ ଏକଜୁଟ ହୋଇଛନ୍ତି। ମୋଦୀ କହିଛନ୍ତି, ଗତ ୯ ବର୍ଷ ମଧ୍ୟରେ ତାଙ୍କ ସରକାର ପୂର୍ବ ସରକାରର କେବଳ ତ୍ରୁଟି ସଂଶୋଧନ କରିନାହାନ୍ତି ବରଂ ଲୋକମାନଙ୍କୁ ନୂଆ ସୁବିଧା ପ୍ରଦାନ କରିଛନ୍ତି।
ମିଳିତ ବିରୋଧୀ ମେଣ୍ଟକୁ ମୋଦୀଙ୍କ ସମାଲୋଚନା: ‘ପରିବାରର, ପରିବାର ଦ୍ବାରା, ପରିବାର ପାଇଁ’
